Keçmişimizi untmamalıyıq

Bakı:

26 °C

56 %

5 m/s

Əlaqə

AZ RU EN

Ana səhifə / YAP xəbərləri / Keçmişimizi untmamalıyıq

Keçmişimizi untmamalıyıq

25.08.2025 [12:52]

Avqustun 21-də Prezident İlham Əliyev Kəlbəcər şəhərində sakinlərlə görüşü zamanı bildirdi ki, birinci mərhələdə “Böyük Qayıdış” Proqramı çərçivəsində Kəlbəcər şəhərində dörd yaşayış kompleksinin inşası nəzərdə tutulur və bu binalarda 10 mindən çox insan yaşayacaq. Sakinlərin rahat yaşaya bilməsi üçün lazım olan bütün digər infrastruktur layihələri də icra edilib. Bir sözlə, dövlətimiz vətəndaşları üçün gözəl şərait yaradıb.

Prezident İlham Əliyev sakinlərlə görüşdə tarixə nəzər salıdı və bildirdi ki, keçmişimizi untmamalıyıq. Kəlbəcərin işğalına diqqət çəkən ölkə başçısı vurğuladı ki, rayonun işğalı ölkəmiz üçün bütün başqa yaşayış məntəqələrinin işğalı kimi böyük faciə idi. Kəlbəcərin işğalı strateji nöqteyi-nəzərdən Azərbaycan üçün çox böyük problemlər yaratdı və digər torpaqlarımızın işğalına yol açdı. Ovaxtkı Azərbaycan rəhbərliyi xəyanətkarlıq və satqınlıq siyasəti apararaq doğma diyarımızı qoruya bilmədi.

Ölkə başçısı işğal dövründə bəzi ölkələrin Ermənistana milyardlarla dollar dəyərində pulsuz silahlar, bəzilərinin siyasi dəstək, bəzilərinin isə imtiyazlar verirdiyini də xatırlatdı. Bütüün bunlara baxmayaraq, Azərbaycan xalqı işğalla barışmadı. Xalq-iqtidar birliyi hər gün Zəfəri yaxınlaşdırırdı. Prezident İlham Əliyevin həyata keçirdiyi düşünülmüş siyasət öz nəticəsini verdi. Azərbaycan öz torpaqlarını düşmən tapdağından azad etdi.

Sakinlərlə görüşdə Prezident İlham Əliyev sülh müqaviləsi haqqında da fikirlər bildirdi. Ölkə başçısı diqqətə çatdırdı ki, sülh müqaviləsinin təşəbbüskarı Azərbaycan olub və bu sənəddə ölkəmizin mövqeyi hər zaman olduğu kimi əsas götürülüb. Bu sənədin paraflanması faktiki olaraq Ermənistan-Azərbaycan qarşıdurmasına son qoyur. Bununla bərabər, ölkəmizin tarixi diyarı olan Naxçıvanla quru bağlantısı da təmin ediləcək. Eyni zamanda, bu, təkcə Azərbaycanın iki hissəsini bir-biri ilə birləşdirməyəcək. Bu, eyni zamanda, beynəlxalq nəqliyyat dəhlizinə çevriləcək. İndi Azərbaycan ərazisindən bir neçə nəqliyyat dəhlizi keçir və bu, əlbəttə ki, ölkəmizin önəmini artırır.

Prezident İlham Əliyev çıxışında qeyd etdi ki, Azərbaycan xalqı ən yüksək beynəlxalq müstəvidə öz böyüklüyünü bir daha göstərmişdir. Həm Vətən müharibəsi, həm antiterror əməliyyatı nəticəsində yaratdığımız yeni reallıqlar dünya tərəfindən qəbul edildi. Bu da çox vacib idi. Çünki Vətən müharibəsindən və xüsusilə 2023-cü ilin sentyabr əməliyyatından sonra Ermənistanın havadarları, müxtəlif ölkələr və dairələr bizə qarşı kampaniyaya başlamışdılar. Azərbaycanı cəzalandırmaq, Azərbaycana qarşı sanksiyalar tətbiq etmək və digər səylər göz önündə idi. Düzdür, onların heç biri həyata keçmədi. Ölkəmizin kifayət qədər güclü tərəfdaşları var və beynəlxalq təşkilatlar çərçivəsində mövqeyimiz hər zaman ədalətli mövqe kimi qəbul olunub. Çünki Azərbaycan öz torpağında müharibə aparıb. Bəzi başqa ölkələr kimi heç bir ölkənin torpağını zəbt etməyib, etnik təmizləmə aparmayıb, heç bir ölkənin şəhər və kəndlərini viran qoymayıb. Azərbaycan öz torpağında döyüşüb və ərazi bütövlüyünü bərpa edib. Ancaq buna baxmayaraq, Ermənistana himayədarlıq edən ölkələr ölkəmizə qarşı daim hərəkətdə idi və Vaşinqton şəhərində, dünyanın bir nömrəli ofisində imzalanmış sənədlər bütün bu səylərə də son qoydu.

Əlişah Rəcəbov,

YAP Ağdaş rayon təşkilatının sədri

Paylaş:

Baxılıb: 442 dəfə