Abşeron rayonunun seçiciləri işıqlı gələcəyə aparan liderə-cənab İlham Əliyevə səs verəcək

Bakı:

18°C

77%

4m/s

Əlaqə

AZ RU EN

Ana səhifə / YAP xəbərləri / Abşeron rayonunun seçiciləri işıqlı gələcəyə aparan liderə-cənab İlham Əliyevə səs verəcək

Abşeron rayonunun seçiciləri işıqlı gələcəyə aparan liderə-cənab İlham Əliyevə səs verəcək

24.09.2013 [10:44]

Rayonun Məhəmmədli və Digah kəndlərində seçicilərlə görüş keçirilib
Yeni Azərbaycan Partiyasının (YAP) namizədi Prezident İlham Əliyevin təbliğat-təşviqat kampaniyası bütün regionlarda davam etməkdədir. YAP Abşeron rayon təşkilatının seçki qərargahının tədbirlər planına əsasən növbəti görüş Məhəmmədli və Digah kəndlərində keçirilib.
Görüşü giriş nitqi ilə açan YAP Abşeron rayon təşkilatının sədri Bilman Vəliyev prezident seçkilərinin vacibliyini qeyd edərək bildirib ki, ölkənin bütün regionlarında prezidentliyə namizəd İlham Əliyevin təbliğat-təşviqat kampaniyası həyata keçirilir: “Keçirilən görüşlərin yüksək əhval-ruhiyyə çərçivəsində keçməsi bizi çox sevindirir. YAP Abşeron rayon təşkilatının keçirdiyi görüşlərdə müşahidə olunan yüksək aktivlik, bayram əhval-ruhiyyəsi bir daha onu göstərir ki, xalq İlham Əliyevlədir və yalnız Onu dəstəkləyir”.
Çıxış edən millət vəkili Eldar İbrahimov Azərbaycanda gedən sürətli inkişafdan və bu inkişafın müəllifi Prezident İlham Əliyevə olan xalq dəstəyindən danışıb: “Bu inkişafın əsas səbəbkarı Prezident İlham Əliyevdir. Prezident İlham Əliyev Azərbaycanı firavan gələcəyə doğru aparan liderdir. Gəlin inkişafa, gələcəyimizə - İlham Əliyevə səs verək”.
Millət vəkili bildirib ki, Prezident İlham Əliyev Ulu öndər Heydər Əliyevin siyasi kursunun layiqli davamçısıdır. Cənab İlham Əliyevin dövlət başçısı kimi 10 illik fəaliyyəti dövründə ölkədə genişmiqyaslı abadlıq-quruculuq işləri həyata keçirilib. Yeni yollar salınıb, körpülər tikilib, təhsil, səhiyyə, idman mərkəzləri inşa edilərək istifadəyə verilib. E.İbrahimov seçiciləri bu yeniliklərin banisinə - Prezident İlham Əliyevə səs vermyə çağırıb.
Tədbirdə çıxış edən millət vəkili İmamverdi İsmayılov bildirib ki, xalqımız birmənalı şəkildə Ulu öndər Heydər Əliyevin siyasi kursunun layiqli davamçısı Prezident İlham Əliyevi dəstəkləyir: “1990-cı illərin əvvəllərində dövlət idarəçiliyi sükanının arxasında əyləşmiş bir sıra “siyasətçilər” dövləti dünya birliyindən izolyasiya edərək uçurumun kənarına atmışdılar. Həmin dövrdə ölkədə dərin xaos yaranmışdı. Azərbaycan vətəndaş müharibəsi və dövlətçiliyinin itirilməsi təhlükəsi ilə üz-üzə qalmışdı. Belə bir çətin anda müdrik xalqımız düzgün qərar verərək Ümummilli lider Heydər Əliyevə müraciət etdi. Ulu öndər hakimiyyətə gəldikdən sonra ölkədə sosial-iqtisadi və siyasi-hüquqi sabitlik tam bərpa olundu, dövlətçiliyimizə xələl gətirə biləcək təhlükələr aradan qaldırıldı. Bu gün isə Ulu öndər Heydər Əliyevin siyasi kursunu davam etdirən Prezident İlham Əliyev inkişaf edən Azərbaycanı yeni-yeni uğurlara daşıyır. Prezident İlham Əliyev xalqımızın və dövlətimizin gələcəyinin təminatçısıdır. Mən sizi 9 oktyabr tarixində Prezident İlham Əliyevə səs verməyə çağırıram”.
Çıxış edən kənd sakinləri bu gün ölkəmizdə yürüdülən siyasi kursu dəstəklədiklərini bildiriblər. Qeyd edilib ki, Prezident İlham Əliyevin rəhbərliyi altında Azərbaycan daha yüksək nailiyyətlərə imza atacaq.
Zahid İLHAMOĞLU

Paylaş:

Baxılıb: 1051 dəfə