Salyan seçicilərinin bir seçimi var-Prezident İlham Əliyev

Bakı:

24 °C

66 %

3 m/s

Əlaqə

AZ RU EN

Ana səhifə / YAP xəbərləri / Salyan seçicilərinin bir seçimi var-Prezident İlham Əliyev

Salyan seçicilərinin bir seçimi var-Prezident İlham Əliyev

29.09.2013 [10:41]

YAP Salyan rayon təşkilatı təbliğat-təşviqat kampaniyası çərçivəsində mitinq-konsert keçirib
Yeni Azərbaycan Partiyası (YAP) Salyan rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində sentyabrın 27-də rayonda mitinq-konsert keçirilib. Tədbirdə çıxış edən YAP Salyan rayon təşkilatının sədri Rəşad Cəbrayılov son 10 ildə Azərbaycanda aparılan inkişafa yönəlik siyasətdən danışıb. O deyib ki, son 10 ildə Salyan rayonunda bir sıra mühüm addımlar atılıb: “Tikilən yeni məktəblər, xəstəxana, sənaye müəssisələri Salyan rayonunun simasını dəyişib. Bu inkişaf tək Salyan rayonunda getmir, bütünlüklə Azərbaycanı əhatə edir. Biz inanırıq ki, ölkəmiz cənab İlham Əliyevin rəhbərliyi altında gələn beşillikdə də öz inkişafını davam etdirəcək”.
Çıxış edən millət vəkili Əliağa Hüseynov hər bir seçiciyə qarşıdan gələn seçkidə uğurlar arzulayıb. Natiq 9 oktyabrda Salyan seçicilərinin seçiminin Prezident İlham Əliyev olacağına şübhə etmədiyini dilə gətirib: “Mən bu qərarınıza görə, sizlərə təşəkkür edirəm. Cənab Prezident İlham Əliyevin fəaliyyəti xalqımızın ali mənafeyinə xidmət edir. Seçicilərimiz 10 illik fəaliyyətə özləri qiymət verə bilirlər. Son illərdə aparılan abadlıq-quruculuq işləri kəndləri də əhatə edib. Bir sıra təhsil, səhiyyə obyektləri təmir olunub. Bu proses gələn beşillikdə də davam etdiriləcək. Bu davamlılıq isə siz seçicilərin etimadından asılıdır. Əgər siz sabitliyin, inkişafın davam etməsini istəyirsinizsə, cənab Prezident İlham Əliyevə səs verməlisiniz və əminəm ki, belə də olacaq”.
Çıxış edən YAP-ın İdarə Heyətinin üzvü Kərim Kərimov Prezident İlham Əliyevin 10 il ərzində verdiyi vədlərin reallığa çevrildiyini önə çəkib. O bildirib ki, təhsil, səhiyyə sahələrində ciddi işlər planlaşdırılmışdı ki, onlar bu gün artıq həyata keçirilib. Növbəti beş ildə biz həm də ona görə Prezident İlham Əliyevə səs verməliyik ki, bu işlər davam etdirilsin: “Sözsüz ki, bu siyasətin əsası Ulu öndər Heydər Əliyev tərəfindən qoyulub. Azərbaycan xalqı həm də ona görə xoşbəxtdir ki, Ümummilli liderimiz özündən sonra bu inkişaf kursunu davam etdirən bir siyasi varis qoydu. Eşq olsun Azərbaycanı inkişafa daşıyan Prezidentimiz İlham Əliyevə!”
Çıxış edən YAP Siyasi Şurasının üzvü Vilayət Əliyev Prezident İlham Əliyevin başladığı işlərin gələcək illərdə də davam etdirəcəyini və inkişaf prosesinin daha da genişləndiriləcəyini deyib: “Bu gün sözün əsl mənasında Azərbaycan çiçəklənir. Bunun səbəbkarı, Azərbaycanı inkişafa aparan Prezident İlham Əliyevdir”.
Mitinqdə çıxış edən millət vəkili Fəzail Ağamalı oktyabr ayının 9-nu Azərbaycanın dövlətçilik tarixində mühüm və son dərəcə vacib hadisə kimi önə çəkərək hər bir Azərbaycan vətəndaşının bu prosesdə fəal iştirak etməsini vətəndaşlıq borcu kimi dəyərləndirib. Millət vəkili cənab İlham Əliyevin prezidentliyi dövründə onun həyata keçirdiyi daxili və xarici siyasətin konkret nəticələrinin hər bir Azərbaycan vətəndaşının həyatında özünü ifadə etdiyini əsaslandıraraq, seçiciləri növbəti illərdə də inkişafımızı, əmin-amanlığımızı, firavanlığımızı, dövlətimizin və hər bir azərbaycanlının təhlükəsizliyini təmin edəcək cənab İlham Əliyevə səs verməyə çağırıb.
Çıxış edən təbliğat-təşviqat qrupunun üzvü, ATXƏM-in sədri İlham İsmayılov sosial-siyasi sabitliyin qorunmasının, mövcud iqtisadi inkişafın, hərtərəfli tərəqqinin təməlində Ümummilli liderin inkişaf strategiyasının, Onun müəyyənləşdirdiyi və Prezident İlham Əliyev tərəfindən davam etdirilən daxili və xarici siyasət xəttinin dayandığını önə çəkib. Onun sözlərinə görə, gənc dövlətin əsaslarının möhkəmliyi və həyata keçirilən strategiyanın səmərəliliyi məhz Prezident İlham Əliyevin liderlik keyfiyyətləri, zəkası, siyasi iradəsi və uzaqgörənliyi sayəsində mümkün olub. Prezident İlham Əliyev şəxsiyyəti modern cəmiyyətdə lider obrazının ən mühüm cəhətlərini özündə birləşdirir.
Tədbir respublikanın tanınmış incəsənət ustalarının konsert proqramı ilə davam etdirilib.
Pərviz SADAYOĞLU

Paylaş:

Baxılıb: 1163 dəfə