Bərdəlilər Yeni Azərbaycan Partiyasının namizədinə səs verəcəklər

Bakı:

24 °C

70 %

13 m/s

Əlaqə

AZ RU EN

Ana səhifə / YAP xəbərləri / Bərdəlilər Yeni Azərbaycan Partiyasının namizədinə səs verəcəklər

Bərdəlilər Yeni Azərbaycan Partiyasının namizədinə səs verəcəklər

03.10.2013 [10:29]

Cənab İlham Əliyevin Bərdə rayonu üzrə seçki qərargahının üzvləri dünən Mollalı və Əyricə kəndlərində seçicilərlə növbəti görüşlərini keçiriblər
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Bərdə rayonu üzrə seçki qərargahının üzvləri dünən növbəti görüşlərini rayonun Mollalı və Əyricə kəndlərində keçiriblər.
Hər iki görüşü giriş sözü ilə açan YAP Bərdə rayon təşkilatının sədri Fəqət Şadlinskaya cənab İlham Əliyevin rəhbərliyi ilə ötən 10 il ərzində əldə edilən uğurlardan danışıb. Rayon təşkilatının sədri deyib ki, Ümummilli liderimiz Heydər Əliyevin memarı olduğu müstəqil Azərbaycan dövləti ildən-ilə möhkəmlənir, inkişaf edir və daha böyük uğurlar qazanır.
Görüşlərdə çıxış edən Akademik C.Abdullayev adına Elmi-Tədqiqat Kardiologiya İnstitutunun direktoru, Azərbaycan Tibb Universitetinin kliniki farmakologiya kafedrasının müdiri Adil Baxşəliyev deyib ki, regionların sosial-iqtisadi inkişafına dair Dövlət proqramlarının həyata keçirilməsi nəticəsində Azərbaycanın bütün bölgələri keyfiyyətcə yeni inkişaf mərhələsinə qədəm qoyub: “Eyni zamanda, sahibkarlığın dəstəklənməsi, fermerlərə güzəştli kreditlərin ayrılması, kəndlilərə fəaliyyət göstərmək üçün əlverişli şəraitin yaradılması insanların maddi rifah halını davamlı surətdə yüksəldir”.
Çıxış edən Ekologiya və Təbii Sərvətlər Nazirliyi Mineral Xammal Elmi-Tədqiqat İnstitutunun direktoru, texniki elmlər doktoru, professor Mürsəl Əliyev bildirib ki, Azərbaycan son 10 il ərzində yüksək templə inkişaf edib və bu inkişaf özünü hər bir sahədə göstərir. Onun sözlərinə görə, ötən müddət ərzində həyata keçirilən regionların sosial-iqtisadi inkişafına dair Dövlət proqramları ölkəmizdə bütün bölgələrin inkişafına təkan verib: “Məhz bu proqramların icrası nəticəsində yeni müəssisələr işə salınıb, yeni iş yerləri açılıb və regionlardan şəhərə axının qarşısı alınıb. Həmçinin, regionlarda yeni məktəblərin, diaqnostika mərkəzlərinin, olimpiya komplekslərinin tikilməsi, parkların salınması həmin insanların istirahətinin, rahatlığının təmin edilməsi deməkdir”.
Professor qeyd edib ki, bütün bu işlərin arxasında qlobal hadisələri düzgün dəyərləndirən böyük zəka sahibi var: “Bu zəka sahibi prezidentliyə namizədimiz cənab İlham Əliyevdir. Sizlər xoşbəxt, varlı, inkişaf edən, elmli, savadlı gələcəyə səs vermək istəyirsinizsə, Azərbaycanın bütün problemlərinin həllini, ölkəmizdə gedən iqtisadi-siyasi inkişafın davamlı olmasını arzulayırsınızsa, övladlarınızın sabit, əmin-amanlıq şəraitində yaşamasını istəyirsinizsə, 9 oktyabr prezident seçkilərində məhz cənab İlham Əliyevə səs verin. Mən sizin siyasi iradənizə, fəallığınıza inanıram. Yaşasın, Prezident İlham Əliyev! İLHAMLA İRƏLİ!”.
Seçicilər qarşısında çıxış edən rayon Ağsaqqallar Şurasının sədri Arif Əliyev deyib ki, cənab İlham Əliyevin təbliğata ehtiyacı yoxdur: “Çünki ölkəmizdə əldə edilən inkişaf, tərəqqi göz qabağındadır. Ölkəmizdə quruculuq, abadlıq işləri yüksək səviyyədədir. Bu gün Azərbaycanın elə bir bölgəsi, kəndi yoxdur ki, orada inkişaf olmasın. Yeni məktəblər, səhiyyə ocaqları, idman kompleksləri, yollar, körpülər tikilir. Bütün bunlar ölkənin iqtisadi imkanlarının geniş olmasını təsdiqləyir”.
Çıxış edən rayon ziyalılarından Həsən Həsənov deyib ki, son 10 ildə Prezident İlham Əliyevin rəhbərliyi ilə Azərbaycan sürətlə inkişaf edib və dünyanın nüfuzlu ölkələrindən birinə çevrilib. Əldə edilən uğurlardan Bərdə rayonuna da pay düşdüyünü deyən natiq “Bu gün Bərdə rayonunda bütün tələblərə cavab verən təhsil, səhiyyə, mədəni məişət obyektləri tikilərək istifadəyə verilir. Bu səbəbdən də, biz Bərdə rayon seçiciləri olaraq cənab İlham Əliyevi dəstəkləyirik və oktyabrın 9-da Ona səs verəcəyik”, sözlərini əlavə edib.
Görüşlərdə çıxış edən kənd sakinləri Hikmət Əzimov, Tahir Baxşəliyev və başqaları oktyabrın 9-da seçki məntəqələrinə gedərək, ölkəmiz üçün vacib olan bu siyasi prosesdə fəal iştirak edəcəklərini və Yeni Azərbaycan Partiyasının namizədinə səs verəcəklərini deyiblər.
Nadir AZƏRİ

Paylaş:

Baxılıb: 1320 dəfə