Azərbaycan-Qazaxıstan əlaqələri strateji tərəfdaşlıq səviyyəsində dinamik inkişaf edir

Bakı:

23 °C

57 %

2 m/s

Əlaqə

AZ RU EN

Ana səhifə / YAP xəbərləri / Azərbaycan-Qazaxıstan əlaqələri strateji tərəfdaşlıq səviyyəsində dinamik inkişaf edir

Azərbaycan-Qazaxıstan əlaqələri strateji tərəfdaşlıq səviyyəsində dinamik inkişaf edir

23.10.2025 [16:40]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Azərbaycan və Qazaxıstan prezidentlərinin dostluq münasibətləri hər iki dost dövlətlər arasındakı siyasi dialoqun yüksək səviyyədə olmasını təsdiq edir. Məhz iki ölkə arasında siyasi dialoqun yüksək səviyyədə olmasının nəticəsidir ki, son 3 ildə Prezident İlham Əliyev Qazaxıstana 7, Prezident Kasım-Jomart Tokayev Azərbaycana 6 dəfə səfər etməsi iki dövlət arasındakı əlaqələrin strateji tərəfdaşlıq səviyyəsinə yüksəldiyinin göstəricisidir.

Ölkə Başçımızın Qazaxıstana rəsmi səfəri zamanı hər iki dövlət rəhbərlərinin iştirakı ilə Azərbaycan-Qazaxıstan Ali Dövlətlərarası Şuranın ikinci iclası keçiriməsi, iclasda dost ölkələrin münasibətlərinin yeni səviyyəyə qaldırılması istiqamətində atılacaq addımların müzakirə olunması da hər iki dövlət arasındakı dərin siyasi münasibətlərin yüksələn xətlə davam etdiyindən xəbər verir.

Azərbaycan və Qazaxıstan müstəqillik qazandıqları gündən indiyə kimi istər regionda və istərsə də beynəlxalq aləmdə bir-birinə dəstək verən iki strateji tərəfdaşdır. Bu gün Azərbaycan ilə Qazaxıstan arasında möhkəm təməllərə əsaslanan strateji tərəfdaşlıq və müttəfiqlik münasibətləri dövlətlərarası sənədlərdə deyil, real həyatda da Qazaxıstan Azərbaycan Respublikasına dəstəyini hər zaman hiss elətdirib.

2004-cü ilin may ayında Astanada Azərbaycanla Qazaxıstanın strateji tərəfdaşlığı ilə bağlı "Azərbaycan Respublikası və Qazaxıstan Respublikası arasında dostluq münasibətləri və strateji tərəfdaşlıq haqqında Bəyannamə" imzalanıb. 2005-ci ilin may ayında Bakıda "Azərbaycan Respublikası və Qazaxıstan Respublikası arasında strateji tərəfdaşlıq və müttəfiqlik münasibətləri haqqında Müqavilə", 2022-ci ilin avqust ayında isə "Azərbaycan Respublikası ilə Qazaxıstan Respublikası arasında strateji münasibətlərin möhkəmləndirilməsi və müttəfiqlik qarşılıqlı fəaliyyətinin dərinləşdirilməsi haqqında Bəyannamə" imzalanıb.

Qazaxıstanın ölkəmizlə əməkdaşlıq etməkdə maraqlı olduğu və bu istiqamətdə real addımlar atdığı oktyabrın 20-də ölkə Ptezidenti cənab İlham Əliyevin dost ölkəyə rəsmi səfəri zamanı bir daha təsdiqlədi. Azərbaycan Respublikasının Prezidenti İlham Heydər oğlu Əliyevin və Qazaxıstan Respublikasının Prezidenti Kasım-Jomart Kemeleviç Tokayevin “Azərbaycan Respublikası və Qazaxıstan Respublikası arasında strateji tərəfdaşlıq və müttəfiqlik münasibətləri haqqında müqavilənin imzalanmasının 20 illiyi münasibətilə Birgə Bəyanatı”nı, “Azərbaycan Respublikasının və Qazaxıstan Respublikasının Ali Dövlətlərarası Şurasının ikinci iclasının ikitərəfli əməkdaşlığın möhkəmləndirilməsi məsələlərinə dair 1 saylı Qərarı”nı və “Azərbaycan Respublikasının və Qazaxıstan Respublikasının Ali Dövlətlərarası Şurasının ikinci iclasının Azərbaycan Respublikasının və Qazaxıstan Respublikasının Xarici İşlər Nazirləri Şurası haqqında Əsasnamənin təsdiq edilməsi barədə 2 saylı Qərarı”nı imzalaması, ticari-iqtisadi, nəqliyyat, logistika, həmçinin strateji tərəfdaşlığa dair mühüm sənədlər sənədlərin mübadiləsi Azərbaycan-Qazaxıstan münasibətlərinin bütün müstəvilərdə sürətlə inkişaf etdiyinin təsdiqidir.

Onu da xüsusi olaraq qeyd etməliyik ki, 44 günlük Vətən müharibəsində, Azərbaycanın haqq, ədalət savaşında dost Qazaxıstan beynəlxalq platformalarda həmişə ölkəmizi dəstəkləyib, Azərbaycanla həmrəyliyə səs verib. Prezident cənab İlham Əliyevin Qazaxıstana dövlət səfəri Azərbaycan-Qazaxıstan dostluq münasibətlərini gələcəkdə daha da inkişaf etdirilməsinə mühüm töhfələr verəcək.

Paylaş:

Baxılıb: 430 dəfə