Yeni Azərbaycan Partiyasının yaranmasının 21-ci ildönümü münasibətilə YAP Laçın rayon təşkilatı tədbir keçirib

Bakı:

24 °C

66 %

3 m/s

AZ RU EN

Ana səhifə / YAP xəbərləri / Yeni Azərbaycan Partiyasının yaranmasının 21-ci ildönümü münasibətilə YAP Laçın rayon təşkilatı tədbir keçirib

Yeni Azərbaycan Partiyasının yaranmasının 21-ci ildönümü münasibətilə YAP Laçın rayon təşkilatı tədbir keçirib

22.11.2013 [09:11]

Dünən Laçın rayon Taxta-körpü qəsəbəsində Yeni Azərbaycan Partiyasının (YAP) yaranmasının 21-ci ildönümü münasibəti ilə əlaqədar YAP Laçın rayon təşkilatı Laçın rayon İcra Hakimiyyəti ilə birlikdə rayon təşkilatının konfrans zalında tədbir keçiriblər.
Öncə tədbir iştirakçıları rayon İcra Hakimiyyətinin qarşısında Ulu öndərin büstü önünə gül dəstələri qoyublar.
Tədbirdə Laçın rayon İcra Hakimiyyətinin başçısı Akif Səlimov çıxış edərək bildirib ki, Ulu öndər Heydər Əliyev 1993-cü ilin iyununda son dərəcə mürəkkəb, ağır bir dövrdə xalqın təkidli tələbi ilə ölkəyə rəhbərlik məsuliyyətini üzərinə götürməsəydi, biz bugünkü müstəqil, qüdrətli, sürətlə inkişaf edən, regionun lider dövlətinə çevrilən Azərbaycandan danışa bilməzdik: “Olduqca çətin bir şəraitdə yaranan bu partiyanın çox qısa bir müddətdə güclü siyasi qüvvə kimi formalaşması, minlərlə vicdanlı və əqidəli insanın onun sıralarında birləşməsi bu gün bir daha Heydər Əliyev fenomeninin, dühasının qüdrətindən xəbər verir”.
Daha sonra tədbirdə çıxış edən Laçın rayon İcra Hakimiyyəti başçısının birinci müavini İlham Quluyev qeyd edib ki, Yeni Azərbaycan Partiyasının əsas keyfiyyət göstəricilərindən biri ölkəni irəliyə aparan, xalqa söykənən və xalqa xidmət edən siyasi təşkilat olmasıdır: “Heydər Əliyev ideyaları ilə silahlanmış YAP hələ bundan sonra da Prezident İlham Əliyevin başçılığı ilə Azərbaycan dövlətçiliyinə, milli tərəqqimizə xidmət edəcəkdir. Bunun məntiqi nəticəsidir ki, 2013-cü il prezident seçkilərində YAP-ın namizədi cənab İlham Əliyev çox böyük uğurla qələbə qazandı və yenidən Azərbaycan Respublikasının Prezidenti seçildi”.
Tədbirdə YAP Laçın rayon təşkilatının sədr müavini, YAP Laçın rayon təşkilatının Gənclər Birliyinin sədri Xaliq Musayev çıxış edərək bildirib ki, Ulu öndərimiz Heydər Əliyevin yaratmış olduğu Yeni Azərbaycan Partiyasının üzvü olmaq bizim üçün fəxr və qürur hissi ilə bərabər, həmçinin, böyük bir məsuliyyətdir: “Yeni Azərbaycan Partiyası yarandığı gündən xalqın maraqlarını üstün tutan, fəaliyyətini xalqın istəkləri üzərində quran, ölkəmizin inkişafında, müasir siyasi sistemin formalaşmasında mühüm rol oynayan aparıcı və yeganə partiyadır”.
Sonra Şura üzvləri Nuruş Güləliyev, Sədaqət Məhərrəmova çıxış edərək YAP-ın yaranması və inkişafı tarixindən, hazırda 600 mindən çox üzvü olan partiyanın müasir Azərbaycanın həyatında oynadığı roldan danışıblar.
Tədbirin sonunda YAP-ın 21-ci ildönümü münasibətilə partiya və Laçın rayonunun ictimai-siyasi həyatında göstərdiyi xidmətlərinə görə fərqlənən şəxslərə YAP Laçın rayon təşkilatının Fəxri fərmanları, həmçinin, YAP-ın sıralarına yeni qəbul olunmuş gənc üzvlərə partiyanın vəsiqələri təqdim edilib.
Oktay

Paylaş:

Baxılıb: 1405 dəfə