Bərdədə Yeni Azərbaycan Partiyasının təsis edilməsinin 21-ci ildönümü qeyd olunub

Bakı:

24 °C

66 %

3 m/s

Əlaqə

AZ RU EN

Ana səhifə / YAP xəbərləri / Bərdədə Yeni Azərbaycan Partiyasının təsis edilməsinin 21-ci ildönümü qeyd olunub

Bərdədə Yeni Azərbaycan Partiyasının təsis edilməsinin 21-ci ildönümü qeyd olunub

22.11.2013 [09:32]

Yeni Azərbaycan Partiyasının (YAP) təsis edilməsinin 21-ci ildönümü münasibətilə YAP Bərdə rayon təşkilatında tədbir keçirilib. Tədbir iştirakçıları əvvəlcə Ümummilli lider Heydər Əliyevin abidəsi önünə əklil və gül dəstələri qoyub, xatirəsini ehtiramla yad ediblər.
Tədbirdə çıxış edən YAP Bərdə rayon təşkilatının sədri Fəqət Şadlinskaya Ulu öndər Heydər Əliyevin rəhbərliyi ilə təsis edilmiş partiyanın yarandığı tarixi şəraitdən, keçdiyi şərəfli yoldan və qazanılan uğurlardan danışıb. Bildirib ki, YAP Azərbaycanın son dərəcə ağır və böhranlı günlərində, ölkənin ciddi sınaqlara məruz qaldığı bir dövrdə tarixi zərurətdən yaranıb və partiyanın fəaliyyəti müasir tariximizin şərəfli səhifələrindən birini təşkil edir.
Qeyd olunub ki, dövlət müstəqilliyini yenicə bərpa etmiş Azərbaycanda ictimai-siyasi gərginlik, vətəndaş qarşıdurması, iqtisadi böhran getdikcə dərinləşir, hakimiyyət uğrunda amansız mübarizə gedirdi. Azərbaycanın dövlət müstəqilliyinin itirilməsi təhlükəsi ilə üz-üzə qaldığı bir vaxtda xalq yeganə xilas yolunu Heydər Əliyev dühasında, Heydər Əliyevin böyük dövlətçilik təcrübəsində görürdü. Xalqın geniş təbəqəsinin iradəsini ifadə edən ziyalılar 1992-ci il oktyabrın 16-da Heydər Əliyevə müraciət ünvanladılar. Ulu öndər bu müraciətə “Yeni, müstəqil Azərbaycan uğrunda” adlı çağırış xarakteri daşıyan məktubla cavab verdi. Bu çağırış YAP-ın, Heydər Əliyev ideyalarının ətrafında sıx birləşmiş yüz minlərlə insanın vahid siyasi məqsədinə, Azərbaycanın milli ideoloji məramına və proqramına çevrildi, müstəqil dövlət quruculuğunun ilk konsepsiyası oldu.
Tədbirdə bildirilib ki, 1993-cü il martın 13-də 185 nəfər təəssübkeşin iştirakı ilə təsis edilən YAP Bərdə rayon təşkilatı hazırda öz ətrafında 10 min 257 nəfər partiya üzvünü birləşdirir. Onlardan 4052 nəfəri qadın, 2865 nəfəri isə gənclərdir. Bu ilin ötən 9 ayı ərzində partiya sıralarına 246 nəfər qəbul olunub. YAP Bərdə rayon təşkilatı rayonun ictimai-siyasi həyatında fəal iştirak edir.
Çıxışlarda YAP-ın nüfuzlu siyasi qüvvəyə çevrilməsində partiyanın yaradıcısı, Ulu öndər Heydər Əliyevin tarixi xidmətlərindən bəhs olunub, Ümummilli liderin siyasi xəttinin bu gün partiyanın Sədri, Prezident İlham Əliyev tərəfindən uğurla davam etdirildiyi, Azərbaycanın iqtisadi inkişaf sürətinə görə dünyanın qabaqcıl ölkələrindən biri olduğu vurğulanıb.
YAP Bərdə rayon təşkilatı sıralarına yeni qəbul olunmuş gənclərə üzvlük vəsiqələri təqdim edilib, rayonun ictimai-siyasi həyatında fəal iştirakına görə bir qrup partiya üzvünə fəxri fərmanlar verilib.

Paylaş:

Baxılıb: 1248 dəfə