Heydər Əliyev
yeni azerbaycan logo

Ana səhifə / YAP xəbərləri / 20 Yanvar faciəsinin 24-cü ildönümü ilə əlaqədar Qubadlı ictimaiyyəti tərəfindən silsilə tədbirlər keçirilib

20 Yanvar faciəsinin 24-cü ildönümü ilə əlaqədar Qubadlı ictimaiyyəti tərəfindən silsilə tədbirlər keçirilib

22.01.2014 [11:36]

20 Yanvar faciəsinin 24-cü ildönümü ilə bağlı Qubadlı rayon ictimaiyyəti tərəfindən silsilə tədbirlər keçirilib. Bu istiqamətdə daha bir tədbir rayon İcra Hakimiyyəti aparatının təşkilatçılığı ilə B.Mehdiyev adına Qubadlı şəhər 2 saylı tam orta məktəbdə təşkil edilib. Tədbirdə rayon İcra Hakimiyyətinin məsul şəxsləri, idarə, müəssisə, təşkilat rəhbərləri və ictimaiyyət nümayəndələri, rayon ziyalıları iştirak ediblər.
Öncə tədbir iştirakçıları xalqımızın azadlığı və torpaqlarımızın müdafiəsi uğrunda canlarından keçmiş şəhidlərin xatirəsini bir dəqiqəlik sükutla yad ediblər. Daha sonra qeyd olunub ki, Azərbaycanın milli azadlıq hərəkatında xüsusi yeri və rolu olan, Azərbaycan tarixinə qan yaddaşı kimi yazılmış 20 Yanvar hadisələri, eyni zamanda, xalqımızın tarixində bir qəhrəmanlıq səhifəsidir. Çıxış edən Qubadlı rayon İcra Hakimiyyəti başçısının müavini, YAP Qubadlı rayon təşkilatının sədri Allahverdi Haxverdiyev vurğulayıb ki, 20 Yanvar hadisələri milli matəm, hüzn günü kimi qeyd edilir. Bununla yanaşı, Azərbaycan xalqı o dəhşətli gecəni həm də iftixar hissi ilə xatırlayır. A.Haxverdiyev bildirib ki, 1990-cı il yanvarın 19-dan 20-nə keçən gecə Azərbaycan xalqına qarşı törədilmiş cinayət, tökülmüş nahaq qanlar, insanların vəhşicəsinə qətlə yetirilməsi xalqımızın müstəqillik uğrunda mübarizə əzmini qıra bilmədi: “SSRİ rəhbərliyinin Azərbaycan xalqına qarşı törətdiyi bu qanlı cinayət xalq kütlələrini daha da birləşdirdi, onların mübarizliyini daha da artırdı. Həmin gecə Azərbaycan xalqı özünün yenilməzliyini, qəhrəmanlığını, Vətənə, torpağa sədaqətini, azadlıq uğrunda mübarizə əzmini bütün dünyaya bəyan etdi. Məhz bu əzmin, iradənin sayəsində xalqımız müqəddəs arzusuna çatdı, milli azadlığına qovuşdu. Azərbaycan müstəqil dövlət kimi dünya birliyinə daxil oldu. Əsası Ulu öndər Heydər Əliyev tərəfindən qoyulan siyasətin Prezident İlham Əliyev tərəfindən uğurla davam etdirilməsi nəticəsində Azərbaycan dünya ölkələri içərisində inkişafına, nüfuzuna görə xüsusilə seçilir”.
Tədbirin sonunda məktəblilər ədəbi-bədii kompozisiyalarla çıxış edib, vətənpərvərlik mövzusunda şeirlər səsləndiriblər.
Pərviz SADAYOĞLU

Paylaş:
Baxılıb: 979 dəfə

Xəbər lenti

Hamısına bax

Gündəm

Analitik

Xəbər lenti

YAP xəbərləri

MEDİA

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30