Prezident müsahibəsində mühüm məqamlara toxundu

Bakı:

19 °C

68 %

3 m/s

Əlaqə

AZ RU EN

Ana səhifə / YAP xəbərləri / Prezident müsahibəsində mühüm məqamlara toxundu

Prezident müsahibəsində mühüm məqamlara toxundu

24.08.2026 [14:23]

Prezidenti İlham Əliyev Özbəkistanın Milli İnformasiya Agentliyinə (UzA) müsahibə
verib. Bu müsahibə yalnız iki ölkə arasındakı münasibətləri izah etmirdi, eyni
zamanda Azərbaycan diplomatiyasının məqsədli və strateji yönünü açıq şəkildə ortaya
qoydu. Müsahibədə ölkəmizin başçısı Azərbaycanın regional siyasətini, ikitərəfli
əlaqələrin dərinliyini və mövcudluğunu aydın şəkildə şərh edərək gələcək
əməkdaşlığın dayanıqlı tərəfdaşlıq, qarşılıqlı etimad və bölgədə sülhün
möhkəmlənməsinə xidmət edəcəyini vurğuladı. Eyni zamanda, müsahibə Azərbaycan
liderliyinin həm regional, həm də beynəlxalq səviyyədə nüfuzunu daha da
möhkəmləndirdiyini, Türk dünyası ilə əməkdaşlığın inkişafında önəmli rol oynadığını
və ölkəmizin strateji təşəbbüslərinin uğurla nəticələndiyini nümayiş etdirdi.
Azərbaycan və Mərkəzi Asiya ölkələri artan strateji əhəmiyyətə malik vahid tarixi,
mədəni, coğrafi və geosiyasi məkanı formalaşdırır. İlk baxışda Azərbaycanı Mərkəzi
Asiya ölkələrindən fiziki olaraq ayırsa da, Xəzər dənizi, əslində, mühüm birləşdirici
amildir. Bu gün Xəzər dənizi, sadəcə, coğrafi anlayış deyil, o, hər şeydən əvvəl
xalqlarımızın strateji birliyinin, iqtisadi potensialının və tarixi əməkdaşlığının
rəmzidir.
Azərbaycanın Mərkəzi Asiya Dövlət Başçılarının Məşvərət görüşlərində tamhüquqlu
iştirakının təmin edilməsi də bu baxımdan tarixi hadisədir. Faktiki olaraq, əvvəlki
“C5” formatının “C6” formatına çevrilməsi Azərbaycanın artıq Mərkəzi Asiya ilə
bağlı proseslərə kənardan baxan ölkə deyil, regional əməkdaşlığın fəal iştirakçısı
olduğunu göstərir. Azərbaycan artıq yalnız regionlar arasında körpü rolunu
oynamaqla kifayətlənmir, həmin regionların siyasi və iqtisadi inteqrasiyasının
iştirakçısına çevrilir. Cənubi Qafqaz, Mərkəzi Asiya və Türk dünyası arasında
yaranan yeni əlaqələr Azərbaycanın geosiyasi çəkisini də artırır.
Müsahibədə Azərbaycanla Özbəkistan arasında dostluq və qardaşlıq əlaqələrinə,
gündən-günə möhkəmlənən və inkişaf edən qarşılıqlı münasibətlərə xüsusi toxunulub.
Bildirilib ki, Özbəkistan Azərbaycan üçün qardaş ölkə və etibarlı müttəfiqdir.
Ölkələrimizi ortaq köklər, mənəvi dəyərlər, dil, etnik yaxınlıq, zəngin tarixi və
mədəni irs birləşdirir. Əsrlər boyu qardaş xalqlarımız bir-birinə dərin rəğbət və
hörmət bəsləyiblər. Sevindirici haldır ki, dövlətlərarası münasibətlər bu möhkəm
təməl üzərində uğurla inkişaf edir.