Qaradağda görkəmli oftalmoloq alim, akademik Zərifə xanım Əliyevanın anadan olmasının 91-ci ildönümünə həsr olunmuş tədbir keçirilib

Bakı:

22 °C

68 %

2 m/s

AZ RU EN

Ana səhifə / YAP xəbərləri / Qaradağda görkəmli oftalmoloq alim, akademik Zərifə xanım Əliyevanın anadan olmasının 91-ci ildönümünə həsr olunmuş tədbir keçirilib

Qaradağda görkəmli oftalmoloq alim, akademik Zərifə xanım Əliyevanın anadan olmasının 91-ci ildönümünə həsr olunmuş tədbir keçirilib

29.04.2014 [09:03]

Yeni Azərbaycan Partiyası (YAP) Qaradağ rayon təşkilatı Qaradağ rayon İcra Hakimiyyəti ilə birgə görkəmli oftalmoloq alim, akademik Zərifə xanım Əliyevanın anadan olmasının 91-ci ildönümünə həsr olunmuş tədbir keçirib. Tədbirdə çıxış edən YAP Qaradağ rayon təşkilatı Qadınlar Şurasının sədri, Qaradağ RİH başçısının müavini Təranə İsmayılova Zərifə xanım Əliyevanın həyat və fəaliyyətindən danışıb. Onun sözlərinə görə, Zərifə xanım Əliyeva özünün tədqiqat işlərini traxomanın müalicəsi ilə bağlı məsələlərə, habelə traxomanın və onun ağır nəticələrinin müalicəsi zamanı o dövrdə yeni olan antibiotiklərin imkanlarından səmərəli istifadə etməyin öyrənilməsinə həsr edib.
Bildirilib ki, özünün zəngin tibb təcrübəsinə və həyat müdrikliyinə əsaslanan Zərifə xanım Əliyeva həkimin xəstə ilə necə davranmağına dair tövsiyələr verirdi. Onun fikrincə, səhiyyə işçisinin əxlaqının əsaslarını səmimiyyət, xəstəni başa düşmək bacarığı, xeyirxahlıq, təvazökarlıq, təmənnasızlıq təşkil edir. Akademik Zərifə xanım Əliyeva həm də görkəmli ictimai xadim idi. O, keçmiş SSRİ Sülhü Müdafiə Komitəsinin üzvü, Azərbaycan Sülhü Müdafiə Komitəsi sədrinin müavini, Ümumittifaq “Bilik” Cəmiyyəti İdarə Heyətinin, Ümumittifaq Oftalmoloqlar Elmi Cəmiyyəti Rəyasət Heyətinin üzvü olub, Əməkdar elm xadimi fəxri adına layiq görülüb.
Tədbirdə çıxış edən YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov isə bildirib ki, Zərifə xanım Əliyeva müstəqil Azərbaycan dövlətinin qurucusu, bütün mənalı ömrünü Vətəninin və xalqının tərəqqisinə həsr etmiş dahi şəxsiyyət Heydər Əliyevin vəfalı ömür-gün yoldaşı, sədaqətli dostu və etibarlı silahdaşı olub. A.Hüseynov qeyd edib ki, akademik Zərifə xanım Əliyevanın alim kimi qazandığı böyük uğurlar Azərbaycan tibb elminin tarixində ayrıca bir mərhələ təşkil edir. Onun elmi fəaliyyəti çox zəngin olub. İstedadlı alim oftalmologiyanın aktual mövzularına həsr edilmiş çoxprofilli tədqiqatlar aparıb və dəyərli elmi-tədqiqat işləri yazıb.
Tədbirdə YAP Mərkəzi Aparatının məsul işçisi Xatirə Əliyeva, 4 saylı doğum evinin həkimi Rəna Kərimova və başqaları çıxış edərək akademik Zərifə xanım Əliyevanın tibb elminin inkişafındakı xidmətlərindən, insani keyfiyyətlərindən söz açıblar.

Paylaş:

Baxılıb: 1126 dəfə