Heydər Əliyev
yeni azerbaycan logo

Ana səhifə / YAP xəbərləri / Avropa Demokratik Gənclər İcmasının sədri Azərbaycanda səfərdədir

Avropa Demokratik Gənclər İcmasının sədri Azərbaycanda səfərdədir

09.10.2014 [09:58]

Səfər YAP Gənclər Birliyinin dəvəti əsasında reallaşıb
Yeni Azərbaycan Partiyası (YAP) Gənclər Birliyinin dəvəti ilə Avropa Demokratik Gənclər İcmasının (DEMYC) sədri Antonio de Lucia Azərbaycana səfərə gəlib. Səfər çərçivəsində DEMYC-in sədri Antonio de Lucia ilk olaraq, Fəxri xiyabana gedərək Ümummilli lider Heydər Əliyevin və görkəmli oftalmoloq alim, akademik Zərifə Əliyevanın məzarlarını ziyarət edib. Qonaq, həmçinin, Şəhidlər xiyabanında xalqımızın azadlığı, torpaqlarımızın bütövlüyü uğrunda canlarını fəda etmiş şəhidlərimizin məzarlarını ziyarət edib, onların əziz xatirəsini ehtiramla yad edib.
Daha sonra DEMYC-in sədri Azərbaycan Respublikası Prezidenti yanında Gənclər Fondunda və İtaliyanın ölkəmizdəki səfirliyində olub. O, Gənclər Fondunun icraçı direktoru Fərhad Hacıyev və İtaliyanın ölkəmizdəki fövqəladə və səlahiyyətli səfirinin müavini Giulia Gullottı ilə görüşüb. Görüşlər zamanı qarşılıqlı maraq doğuran bir sıra məsələlər ətrafında fikir mübadiləsi aparılıb və gələcək əməkdaşlığın inkişaf perspektivləri müzakirə olunub. Tərəflər bu əlaqələrin daha da inkişaf etdirilməsinin zəruriliyini vurğulayıblar.
DEMYC-in sədri Antonio de Lucia, həmçinin, YAP-ın Beynəlxalq əlaqələr şöbəsinin müdiri, millət vəkili Asəf Hacıyev və YAP Gənclər Birliyinin nümayəndələri ilə də görüşüb. YAP Gənclər Birliyinin ofisi ilə tanışlıq zamanı qonağı maraqlandıran bir sıra suallara cavab verilib və görüş müzakirə formatında davam edib.

Paylaş:
Baxılıb: 853 dəfə

Xəbər lenti

Hamısına bax

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30