YAP Nəsimi rayon təşkilatında bələdiyyə seçkiləri ilə əlaqədar toplantı keçirilib

Bakı:

12°C

94%

2m/s

Əlaqə

AZ RU EN

Ana səhifə / YAP xəbərləri / YAP Nəsimi rayon təşkilatında bələdiyyə seçkiləri ilə əlaqədar toplantı keçirilib

YAP Nəsimi rayon təşkilatında bələdiyyə seçkiləri ilə əlaqədar toplantı keçirilib

04.11.2014 [09:57]

Məlahət İbrahimqızı: Partiyamızın öz fəaliyyətində söykəndiyi ideologiya onu daim uğurlara aparır
Noyabrın 1-də Yeni Azərbaycan Partiyası (YAP) Nəsimi rayon təşkilatında bələdiyyə seçkiləri ilə əlaqədar toplantı keçirilib. Toplantıda təşkilatın şura üzvləri və ilk partiya təşkilatlarının rəhbərləri iştirak ediblər. YAP Nəsimi rayon təşkilatının sədri, partiyanın Siyasi Şurasının üzvü, millət vəkili Məlahət İbrahimqızı bildirib ki, ölkəmizin ictimai-siyasi həyatında aparıcı rol oynayan Yeni Azərbaycan Partiyası həyatımızın bütün sahələrində tərəqqiyə nail olmaq məqsədilə yüksək fəallıq nümayiş etdirir. M.İbrahimqızı qeyd edib ki, YAP-ın milli maraqlarımıza və ölkəmizin inkişafına xidmət edən fəaliyyəti cəmiyyət tərəfindən daim yüksək dəyərləndirilir. Onun sözlərinə görə, partiyamızın öz fəaliyyətində söykəndiyi ideologiya onu daim uğurlara aparır.
Yeni Azərbaycan Partiyasının qarşıdan gələn bələdiyyə seçkilərinə ciddi şəkildə hazırlaşdığını deyən təşkilat sədri bildirib ki, YAP seçkilərin keçirilməsində böyük, zəngin təcrübəyə malikdir. Onun sözlərinə görə, bu mənada dekabr ayında keçiriləcək bələdiyyə seçkilərində də qazanılan təcrübədən səmərəli istifadə olunacaq. “Bizim seçkilərə hazırlıqla bağlı heç bir problemimiz yoxdur. Rəhbərlik etdiyim YAP Nəsimi rayon təşkilatı da bu kampaniyaya hazırdır. Seçki üzrə böyük təcrübə qazanmış xeyli sayda mütəxəssislərimiz var ki, onlar kampaniya dövründə dairə və məntəqələrdə təmsil olunur. Eləcə də, müşahidəçi funksiyasını yerinə yetirən fəallarımız xeyli saydadır. Bizim təşkilatın 26 min nəfərə qədər üzvü var. Mütəmadi olaraq ilk təşkilatlarla sıx işləyirik” - deyə, M.İbrahimqızı qeyd edib.
Tədbirdə çıxış edən səhiyyə nazirinin müavini, YAP Nəsimi rayon təşkilatının sədr müavini Elsevər Ağayev bildirib ki, partiyamızın yaşı, demək olar ki, müstəqil dövlətimizin yaşı qədərdir. “Tarixi zərurətdən yaranan Yeni Azərbaycan Partiyası müstəqil Azərbaycan dövləti ilə demək olar ki, paralel addımlayıb. Bu gün Azərbaycanın əldə etdiyi bütün nailiyyətlərdə Yeni Azərbaycan Partiyasının böyük rolu vardır. Bu nailiyyətlərin qazanılmasında hər bir partiya üzvümüzün əməyi var. Bütün bu xidmətlər Azərbaycan tarixinə qızıl hərflərlə yazılacaq və gələcək nəsillərə çatdırılacaq. Çünki Yeni Azərbaycan Partiyası böyük bir şəxsiyyətin - bütün həyatını Azərbaycan xalqına həsr etmiş çağdaş dövlətimizin banisi Ulu öndərimiz Heydər Əliyevin ideyaları ilə yaranıb”, deyən sədr müavini hər bir partiya üzvünün Azərbaycanın qazandığı bu uğurlarla qürur duyduğunu vurğulayıb. Tədbirdə bələdiyyə seçkiləri ilə əlaqədar ilk partiya təşkilatlarına müvafiq tövsiyələr verilib.
Sonda partiya işində fəallıq göstərənlərə fəxri fərmanlar, YAP sıralarına yeni qoşulmuş gənclərə üzvlük vəsiqəsi təqdim olunub.
N.BAYRAMLI

Paylaş:

Baxılıb: 893 dəfə