Heydər Əliyev
yeni azerbaycan logo

Ana səhifə / YAP xəbərləri / YAP Qubadlı rayon təşkilatı 12 noyabr-Konstitusiya Gününü qeyd edib

YAP Qubadlı rayon təşkilatı 12 noyabr-Konstitusiya Gününü qeyd edib

14.11.2014 [10:12]

Qubadlı rayon İcra Hakimiyyəti və Yeni Azərbaycan Partiyası (YAP) Qubadlı rayon təşkilatının təşəbbüsü ilə 12 noyabr-Konstitusiya Günü münasibəti ilə tədbir keçirilib. Tədbirdə çıxış edən rayon İcra Hakimiyyəti başçısının müavini, YAP Qubadlı rayon təşkilatının sədri Allahverdi Haqverdiyev 1995-ci ildə qəbul olunmuş Konstitusiyanın müstəqil Azərbaycanın ilk Konstitusiyası olduğunu bildirib. Qeyd edilib ki, ilk milli Konstitusiyamız Ulu öndər Heydər Əliyevin rəhbərliyi ilə yaradılmış xüsusi komissiya tərəfindən işlənib, hazırlanıb: “Müstəqil Azərbaycanın dövlət quruculuğunun əsasını təşkil edən ilk Konstitusiya 5 bölmə, 12 fəsil, 158 maddədən ibarətdir. 2002 və 2009-cu illərdə referendum yolu ilə Konstitusiyaya mütərəqqi əlavə və dəyişikliklər edilib. Ulu öndərimizin müəllifi olduğu Azərbaycan Konstitusiyası ölkəmizin demokratik və sivil yolla inkişafına ən başlıca təminatdır. Ulu öndərin siyasi kursunun layiqli davamçısı Azərbaycan Prezidenti İlham Əliyev də Öz fəaliyyətində daim Konstitusiyaya istinad edərək respublikamızda ümumbəşəri demokratik dəyərlərin, qanunun aliliyinin tam təminatına çalışır”.
Daha sonra çıxış edən rayon İcra Hakimiyyəti aparatının Hüquq şöbəsinin müdiri A.Qarayev, RİH başçısı aparatının baş məsləhətçisi A.Quliyev bildiriblər ki, müstəqil Azərbaycanın ilk Konstitusiyası Azərbaycan Respublikasının dövlət quruculuğunun əsaslarını qoyub. Tədbirin sonunda YAP-ın sıralarına yeni daxil olmuş şəxslərə partiya vəsiqələri təqdim olunub.
PƏRVİZ

Paylaş:
Baxılıb: 853 dəfə

Xəbər lenti

Hamısına bax

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30