YAP Ağdam rayon təşkilatı tərəfindən irəli sürülmüş namizədlərlə görüş keçirilib

Bakı:

14 °C

77 %

9 m/s

Əlaqə

AZ RU EN

Ana səhifə / YAP xəbərləri / YAP Ağdam rayon təşkilatı tərəfindən irəli sürülmüş namizədlərlə görüş keçirilib

YAP Ağdam rayon təşkilatı tərəfindən irəli sürülmüş namizədlərlə görüş keçirilib

04.12.2014 [10:56]

Müstəqillik əldə etdikdən sonra ölkəmizdə keçirilən bütün seçkilərin qalibi olan YAP növbəti bələdiyyə seçkilərini də qələbə ilə başa vurmaq əzmindədir
Dünən Yeni Azərbaycan Partiyası (YAP) Ağdam rayon təşkilatında bələdiyyə seçkilərində partiya tərəfindən Ağdam rayonu bələdiyyələrinə irəli sürülmüş namizədlərlə görüş keçirilib. Görüşdə partiyanın bələdiyyə seçkilərində səlahiyyətli nümayəndələri - millət vəkilləri Tahir Rzayev, Bəxtiyar Sadıqov, Elman Məmmədov, həmçinin, YAP Mərkəzi Aparatının məsul işçisi Araz Xudadanov iştirak ediblər.
Görüşü giriş sözü ilə YAP Ağdam rayon təşkilatının sədri İsgəndər Quliyev açaraq bildirib ki, Ağdam rayonu üzrə 119 saylı Ağdam kənd Seçki Dairəsinin 39 seçki məntəqəsində 32952 nəfər seçici qeydiyyatdadır: “Eyni zamanda, rayon təşkilatı tərəfindən Ağdam rayonunda 14 bələdiyyə üzrə 132 nəfər bələdiyyə üzvlüyünə namizəd irəli sürülüb. İrəli sürülən namizədlərin 53 nəfəri gənclər, 50 nəfəri isə qadınlardır”.
Sonra çıxış edən millət vəkili Elman Məmmədov öncə YAP-ın fəaliyyət göstərdiyi 22 illik dövrdə gördüyü işlərə diqqət çəkib. Millət vəkili bildirib ki, YAP Ümummilli lider Heydər Əliyev tərəfindən ölkə tarixinin mürəkkəb dövründə yaradılıb. Millət vəkili onu da deyib ki, Yeni Azərbaycan Partiyasının Sədri, Prezident İlham Əliyevin rəhbərliyi ilə həyata keçirilən inkişaf siyasəti nəticəsində vətəndaşların sosial rifah halı daha da yaxşılaşıb, insanlar gələcəyə optimist baxırlar.
Çıxışında Azərbaycanda əldə edilən nailiyyətlərdən, sürətli inkişaf yolundan, habelə regionların dinamik şəkildə dəyişən və gözəlləşən simasından bəhs edən “Azərbaycan” qəzetinin baş redaktoru, millət vəkili Bəxtiyar Sadıqov da qeyd edib ki, YAP-ın Sədri, Azərbaycan Prezidenti İlham Əliyevin rəhbərliyi altında ölkədə bütün sahələrdə dinamik inkişafa nail olunub. Millət vəkili, həmçinin, YAP-ın namizədlərinin növbəti dəfə əzəmətli qələbə qazanacağına inandığını da bildirib.
Sonda çıxış edən millət vəkili Tahir Rzayev bələdiyyə üzvlüyünə namizədlərə bələdiyyə üzvlərinin hüquq və vəzifələri, həmçinin, bələdiyyə qanunları barədə ətraflı məlumat verib. O da qeyd olunub ki, Azərbaycan müstəqillik əldə etdikdən sonra ölkəmizdə keçirilən bütün seçkilərin qalibi olan Yeni Azərbaycan Partiyası dekabrın 23-də keçiriləcək bələdiyyə seçkilərində də qələbə qazanmaq əzmindədir.
NADİR

Paylaş:

Baxılıb: 845 dəfə