Heydər Əliyev
yeni azerbaycan logo

Ana səhifə / YAP xəbərləri / Gədəbəy seçiciləri YAP-ın namizədlərini dəstəkləyirlər

Gədəbəy seçiciləri YAP-ın namizədlərini dəstəkləyirlər

05.12.2014 [10:00]

Rayonun Qoşabulaq və Slavyanka kəndlərində seçicilərlə görüş keçirilib
Qarşıdan gələn bələdiyyə seçkiləri ilə əlaqədar Yeni Azərbaycan Partiyasının (YAP) həyata keçirdiyi təbliğat-təşviqat kampaniyası çərçivəsində seçicilərlə növbəti görüş Gədəbəy rayonunun Qoşabulaq və Slavyanka kəndlərində keçirilib. Tədbirdə çıxış edən Yeni Azərbaycan Partiyası Gədəbəy rayon təşkilatının sədri Rüstəm Nağıyev Azərbaycanda bələdiyyə sisteminin formalaşması tarixindən söz açıb. R.Nağıyev vurğulayıb ki, 1995-ci ildə qəbul olunan müstəqil Azərbaycanın ilk Konstitusiyasında keçmiş postsovet məkanı üçün tamamilə yeni olan hüquqi təsisat - yerli özünüidarə orqanları, qeyri-dövlət təşkilatı olan bələdiyyələr institutu təsis edilib. Qeyd edilib ki, Yeni Azərbaycan Partiyası dekabrın 23-də keçiriləcək bələdiyyə seçkilərində öz namizədləri ilə iştirak edir. Natiq hər zaman dövlətçiliyə sədaqəti ilə seçilən Gədəbəy seçicilərinin bu dəfə də Yeni Azərbaycan Partiyasının namizədlərinə səs verəcəklərinə əminliyini ifadə edib.
Çıxış edən millət vəkilləri Rafiq Məmmədhəsənov, Sevinc Hüseynova Yeni Azərbaycan Partiyasının bələdiyyə sisteminin inkişafındakı rolundan danışıblar. Vurğulanıb ki, əsası Ümummilli lider Heydər Əliyev tərəfindən qoyulan Yeni Azərbaycan Partiyası hər zaman xalqa xidmət prinsipini prioritet sayıb. Əsası Ümummilli lider Heydər Əliyev tərəfindən qoyulan və bu gün Azərbaycan Prezidenti cənab İlham Əliyev tərəfindən uğurla davam etdirilən və ölkəmizin inkişafını özündə ehtiva edən siyasi kurs hər zaman vətəndaşların rifahını, yaşayış səviyyəsinin yüksəlməsini və rahatlığını təmin edib.
Çıxış edən YAP Mərkəzi Aparatının məsul işçisi Rafael Gülməmmədov Yeni Azərbaycan Partiyasının hər zaman xalq tərəfindən dəstəkləndiyini deyib. Onun sözlərinə görə, partiyamız bu inamı öz fəaliyyəti ilə qazanıb.
Tədbirdə çıxış edən “Səs” qəzetinin baş redaktoru Bəhruz Quliyev bildirib ki, Yeni Azərbaycan Partiyası hər zaman xalqın partiyası olduğunu sübut edib. B.Quliyev əmin olduğunu bildirib ki, Yeni Azərbaycan Partiyası bütün seçkilərdə olduğu kimi, dekabrın 23-də keçiriləcək seçkilərdə də inamlı qələbə qazanacaq və formalaşan Azərbaycan bələdiyyələri var gücü ilə xalqına xidmət göstərəcək.
Daha sonra tədbirdə iştirak edən seçiciləri maraqlandıran suallar cavablandırılıb.
Pərviz SADAYOĞLU

Paylaş:
Baxılıb: 846 dəfə

Xəbər lenti

Hamısına bax

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30