Heydər Əliyev
yeni azerbaycan logo

Ana səhifə / YAP xəbərləri / Daşkəsən gənclərinin seçimi Yeni Azərbaycan Partiyasının namizədləridir

Daşkəsən gənclərinin seçimi Yeni Azərbaycan Partiyasının namizədləridir

20.12.2014 [12:55]

YAP-ın bələdiyyə seçkilərində təbliğat-təşviqat kampaniyası çərçivəsində növbəti görüş ilk dəfə bu il seçkilərdə iştirak edəcək gənclərlə keçirilib
Yeni Azərbaycan Partiyasının (YAP) bələdiyyə seçkilərində təbliğat-təşviqat kampaniyası Daşkəsən rayonunda da uğurla davam etdirilir. Kampaniya çərçivəsində növbəti görüş ilk dəfə bu il seçkilərdə iştirak edəcək gənclərlə keçirilib. Daşkəsən rayonunun Xoşbulaq kəndində yerləşən Gənclərin Təlim və İstirahət Mərkəzində baş tutmuş görüşü partiyanın Daşkəsən rayon təşkilatının sədri Meydanəli Yolçuyev giriş sözü ilə açaraq rayon təşkilatının seçkilərə start verildiyi gündən gördüyü işlər və bu prosesdə gənclərin rolu barədə ətraflı məlumat verib. O, ilk dəfə səs verəcək gənclərimizi fəal olmağa və səsvermə günü seçki məntəqələrinə gedərək YAP-ın namizədlərinə səs verməyə çağırıb. Onun sözlərinə görə, YAP Daşkəsən rayon təşkilatı tərəfindən namizədliyi irəli sürülmüş 145 nəfərdən 58 nəfərini, yəni 40 faizini gənclər təşkil edir.
Yeni Azərbaycan Partiyası Mərkəzi Aparatının məsul işçisi Rafael Gülməmmədov isə bildirib ki, Prezident İlham Əliyevin rəhbərliyi ilə həyata keçirilən siyasət nəticəsində ölkəmizin dinamik inkişafı təmin olunub, o cümlədən, bölgələrdə abadlıq-quruculuq işləri, iqtisadi inkişaf, insanların rifahının yaxşılaşması, regionların simasının dəyişməsi və digər müsbət amillər insanların həyatında əhəmiyyətli dəyişikliklərə səbəb olub. O, bu inkişafın davamı üçün hər kəsi Yeni Azərbaycan Partiyasının irəli sürdüyü namizədlərə səs verməyə çağırıb.
Tədbirdə çıxış edən YAP Gəncə şəhər təşkilatının sədri Naqif Həmzəyev isə deyib ki, bu seçkilərdə əsas məqsəd gənclərin fəallığını artırmaq, YAP-ın namizədlərinin qələbəsini təmin etməkdən ibarətdir. N.Həmzəyev respublikamızda gedən quruculuq, abadlıq işlərindən geniş bəhs edib, ölkə Prezidenti İlham Əliyevin gənclərə göstərdiyi qayğıdan söhbət açaraq gəncləri seçkilərdə fəal olmağa çağırıb.
Yığıncaqda iştirak edən gənclər ölkə Prezidenti, Yeni Azərbaycan Partiyasının Sədri İlham Əliyevin apardığı uğurlu siyasəti dəstəklədiklərini bildirib, bu siyasətə daim sədaqətli olacaqlarını bəyan ediblər.

Paylaş:
Baxılıb: 757 dəfə

Xəbər lenti

Hamısına bax

YAP xəbərləri

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30