Daşkəsən rayonunda Yeni Azərbaycan Partiyasının ərazi ilk partiya təşkilatlarının yığıncaqları keçirilir

Bakı:

25 °C

53 %

5 m/s

AZ RU EN

Ana səhifə / YAP xəbərləri / Daşkəsən rayonunda Yeni Azərbaycan Partiyasının ərazi ilk partiya təşkilatlarının yığıncaqları keçirilir

Daşkəsən rayonunda Yeni Azərbaycan Partiyasının ərazi ilk partiya təşkilatlarının yığıncaqları keçirilir

15.01.2015 [10:06]

Daşkəsən rayonunda Yeni Azərbaycan Partiyasının (YAP) ərazi ilk partiya təşkilatlarının yığıncaqlarına hər il olduğu kimi, bu il də rayon təşkilatında ciddi hazırlıq görülüb. Belə ki, əvvəlcədən tədbirlər planı hazırlanıb, ərazi ilk partiya təşkilatlarında yığıncaq keçiriləcək günlər müəyyənləşdirilib, toplantıların yüksək səviyyədə təşkili üçün ərazi ilk partiya təşkilatlarına aidiyyəti üzrə metodiki tövsiyələr və təlimatlar verilib. Belə yığıncaqlardan biri də Daşkəsən rayonunun Zəylik ərazi ilk partiya təşkilatında keçirilib. Toplantıda YAP Daşkəsən rayon təşkilatının İdarə heyətinin bir qrup üzvü, Zəylik kəndindən olan YAP fəalları iştirak ediblər.
Yığıncaqda YAP-ın Zəylik ərazi ilk partiya təşkilatının sədri N.Qocayev ötən ildə görülən işlərə dair məruzə ilə çıxış edib, həmçinin, cari il ərzində qarşıda duran işlərdən söhbət açıb, 2015-ci il üçün ərazi ilk partiya təşkilatının fəaliyyət planı barədə məlumat verib.
YAP Daşkəsən rayon təşkilatının sədri Meydanəli Yolçuyev toplantıda çıxış edərək bildirib ki, Prezident İlham Əliyevin qazandığı uğurlar Yeni Azərbaycan Partiyasının üzvü kimi bizim hər birimizdə böyük fəxarət hissi yaradır: “2014-cü il Daşkəsən rayonunun tarixində böyük uğurlarla yadda qalacaq. Belə ki, həmin ildə rayon ərazisində böyük miqyasda tikinti, quruculuq, abadlıq və yenidənqurma işləri aparılıb. İstifadəyə verilən yeni obyektlər, abadlaşan küçələr və yollar rayon sakinləri tərəfindən razılıq və minnətdarlıqla qarşılanır. Memarlıq üslubunda tikilən rayon İcra Hakimiyyətinin inzibati binası, tamamilə yenidən qurularaq müasir görünüş alan Heydər Əliyev Mərkəzi, yeni avtovağzal və Xoşbulaq kəndində inşa olunmuş Gənclərin Təlim və İstirahət Mərkəzi, Statistika idarəsinin yeni inzibati binası, Zağalı-Kollu-Çıraqlı avtomobil yolunun əsaslı tikintisi 2014-cü ildə əldə olunan ən böyük nailiyyətlərdəndir.
2014-cü il oktyabrın 17-si Daşkəsən üçün çox əlamətdar günlərdən biri kimi onun tarixinə yazıldı. Azərbaycan Respublikasının Prezidenti İlham Əliyev və xanımı Mehriban Əliyevanın səfəri daşkəsənlilərə xoş anlar bəxş etdi, rayon sakinlərinin qürur və fərəhini artırdı”.
Daha sonra Zəylik ərazi ilk partiya təşkilatından bir qrup gənc partiya sıralarına qəbul olunub.

Paylaş:

Baxılıb: 1091 dəfə