Heydər Əliyev
yeni azerbaycan logo

Ana səhifə / YAP xəbərləri / YAP-ın 4 saylı Naxçıvan şəhər Seçki Dairəsindən deputatlığa namizədi Eldar İbrahimovun seçicilərlə görüşü keçirilib

YAP-ın 4 saylı Naxçıvan şəhər Seçki Dairəsindən deputatlığa namizədi Eldar İbrahimovun seçicilərlə görüşü keçirilib

21.10.2015 [10:48]

Noyabrın 1-də keçiriləcək parlament seçkilərinin təbliğat-təşviqat kampaniyası çərçivəsində Yeni Azərbaycan Partiyasının (YAP) 4 saylı Naxçıvan şəhər Seçki Dairəsindən deputatlığa namizədi Eldar Rza oğlu İbrahimovun Naxçıvan şəhərindəki “Gənclik Mərkəzi”ndə seçicilərlə görüşü keçirilib. Görüşdə YAP Naxçıvan şəhər təşkilatının sədri Elman Cəfərli Azərbaycan xalqının Ümummilli lideri Heydər Əliyevin rəhbərliyi ilə yaradılmış partiyanın Azərbaycan Respublikasının inkişafındakı tarixi xidmətlərindən bəhs edərək bildirib ki, məhz bu xidmətləri dəyərləndirən xalqımız, Azərbaycan seçicisi Yeni Azərbaycan Partiyasına hər zaman etimad göstərir.
AMEA Naxçıvan Bölməsinin Tarix, Etnoqrafiya və Arxeologiya İnstitutunun direktoru, AMEA-nın müxbir üzvü, tarix elmləri doktoru, professor Fəxrəddin Səfərli deputatlığa namizədin həyat və fəaliyyəti barədə geniş məlumat verərək bildirib ki, E.İbrahimov Azərbaycan parlamentinin ən təcrübəli üzvlərindən biridir, Milli Məclisin Aqrar siyasət komitəsinin sədri kimi uğurla fəaliyyət göstərir.
Naxçıvan Muxtar Respublikası Ağsaqqallar Şurasının sədri Əbülfəz Əsgərov çıxış edərək, E.İbrahimovu uzun illərdir yaxından tanıyan bir şəxs kimi, onun yüksək insani keyfiyyətlərindən danışıb, seçiciləri Yeni Azərbaycan Partiyasının namizədinə səs verməyə çağırıb.
Deputatlığa namizəd E.İbrahimov seçicilər qarşısında çıxış edərək öz seçki platformasını təqdim edib. O, 20 ildən artıqdır Azərbaycanda, o cümlədən onun ayrılmaz tərkib hissəsi olan Naxçıvan Muxtar Respublikasında həyata keçirilən genişmiqyaslı quruculuq siyasətindən danışıb, bu siyasətin həyata keçirilməsində Yeni Azərbaycan Partiyasının tarixi xidmətlərindən bəhs edib. E.İbrahimov əmin olduğunu bildirib ki, bu seçkilərdə də xalqımız Yeni Azərbaycan Partiyasına böyük etimad göstərəcək. YAP-ın parlament seçkilərinə “Yeni hədəflərə doğru!” şüarı ilə getdiyini deyən E.İbrahimov partiyamızın və dövlətimizin bütün hədəflərə çatmaq əzmində olduğunu vurğulayıb.
Sonda E.İbrahimov seçiciləri maraqlandıran çoxsaylı suallara ətraflı cavab verib.

Paylaş:
Baxılıb: 717 dəfə

Xəbər lenti

Hamısına bax

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30