YAP-ın əldə etdiyi çoxsaylı nailiyyətlər Azərbaycanın müasir tarixinin mühüm səhifələrində yer alır

Bakı:

18°C

63%

1m/s

AZ RU EN

Ana səhifə / YAP xəbərləri / YAP-ın əldə etdiyi çoxsaylı nailiyyətlər Azərbaycanın müasir tarixinin mühüm səhifələrində yer alır

YAP-ın əldə etdiyi çoxsaylı nailiyyətlər Azərbaycanın müasir tarixinin mühüm səhifələrində yer alır

23.10.2015 [11:21]

Yeni Azərbaycan Partiyası tərəfindən 97 saylı Goranboy-Ağdam-Tərtər Seçki Dairəsindən namizədliyi irəli sürülmüş Ağalar Vəliyevin Tərtər rayonunun Borsunlu kəndində seçicilərlə görüşü keçirilib
Yeni Azərbaycan Partiyası (YAP) təbliğat-təşviqat kampaniyasını uğurla davam etdirir. Kampaniya çərçivəsində partiya tərəfindən 97 saylı Goranboy-Ağdam-Tərtər Seçki Dairəsindən deputatlığa namizədliyi irəli sürülmüş Ağalar Vəliyevin Tərtər rayonunun Borsunlu kəndində seçicilərlə görüşü keçirilib.
Görüşü giriş sözü ilə açan YAP Tərtər rayon təşkilatının sədri Ramiz Şabanov Yeni Azərbaycan Partiyasının cəmiyyət daxilindəki yüksək nüfuzundan və geniş beynəlxalq əlaqələrindən bəhs edərək qeyd edib ki, YAP bu gün Prezident İlham Əliyevin Sədrliyi ilə inkişaf yolunda irəliləyir: “Yeni Azərbaycan Partiyası Azərbaycan dövlətinin müstəqilliyinin qorunub saxlanılmasında və dövlətçiliyimizin inkişaf etdirilməsində müstəsna xidmətləri olan bir siyasi təşkilatdır. Ulu öndər Heydər Əliyev tərəfindən yaradılmış və Prezident İlham Əliyevin Sədrliyi ilə uğurla fəaliyyət göstərən, Azərbaycanımızın tərəqqisi naminə fədakarlıq nümayiş etdirən YAP nəinki regionda, hətta dünyada sayılıb-seçilən siyasi təşkilatlardan birinə çevrilib. Buna görə də əminliklə deyə bilərəm ki, partiyamız növbəti parlament seçkilərində də qələbə qazanacaq”.
Daha sonra Ağalar Vəliyevin vəkilləri Rəxşəndə Abdullayeva və Nigar Əliyeva onun tərcümeyi-halı və əmək fəaliyyəti barədə geniş məlumat veriblər. Qeyd edilib ki, Ağalar Vəliyev IV çağırış Milli Məclisin İqtisadi siyasət komitəsinin, Avstriya, Belarus, Türkiyə parlamentləri ilə əlaqələr üzrə işçi qruplarının, ATƏT-in Parlament Assambleyasında Azərbaycan nümayəndə heyətinin üzvü olub və Azərbaycan-Sloveniya parlamentlərarası əlaqələr üzrə işçi qrupuna rəhbərlik edib. Bildirilib ki, Azərbaycan Respublikasının Prezidenti İlham Əliyevin 9 aprel 2010-cu il tarixli Sərəncamı ilə Ağalar Vəliyev “Əməkdar mühəndis” fəxri adına layiq görülüb və dövlət başçısının 10 aprel 2012-ci il tarixli Fərmanı ilə “Şöhrət” ordeni ilə təltif olunub.
Seçicilər qarşısında çıxış edən Ağalar Vəliyev Yeni Azərbaycan Partiyasının keçdiyi şərəfli yoldan ətraflı bəhs edib. O qeyd edib ki, Yeni Azərbaycan Partiyasının əldə etdiyi çoxsaylı nailiyyətlər Azərbaycanın müasir siyasi tarixinin mühüm səhifələrində yer alır. Eyni zamanda, Yeni Azərbaycan Partiyasının qazandığı uğurlar partiyanın yüksək nüfuzu və səmərəli fəaliyyətini göstərir.
A.Vəliyev Azərbaycanın dinamik inkişafından, Prezident İlham Əliyevin uğurlu daxili və xarici siyasətindən, ölkədə həyata keçirilən sosial layihələrdən və digər məsələlərdən bəhs edərək seçiciləri noyabrın 1-də keçiriləcək parlament seçkilərində aktiv iştirak etməyə və YAP-ın namizədlərinə səs verməyə çağırıb.
Seçicilər çıxış edərək seçimlərini YAP-ın namizədinin lehinə edəcəklərini - Ağalar Vəliyevə səs verəcəklərini bildiriblər.
NURLAN

Paylaş:

Baxılıb: 675 dəfə