Heydər Əliyev
yeni azerbaycan logo

Ana səhifə / YAP xəbərləri / YAP-ın 11 saylı Qaradağ Seçki Dairəsindən namizədi Aydın Hüseynov Ümid qəsəbəsində seçicilərlə görüşüb

YAP-ın 11 saylı Qaradağ Seçki Dairəsindən namizədi Aydın Hüseynov Ümid qəsəbəsində seçicilərlə görüşüb

27.10.2015 [09:56]

Aydın Hüseynov: YAP yarandığı gündən yalnız bir məqsədə - Azərbaycan dövlətçiliyinin möhkəmlənməsinə, inkişafına, xalqımızın rifahına xidmət edib
Yeni Azərbaycan Partiyasının (YAP) 11 saylı Qaradağ Seçki Dairəsindən Milli Məclisə namizədi Aydın Hüseynovun təbliğat-təşviqat kampaniyası uğurla davam edir. Kampaniya çərçivəsində növbəti görüş rayonun Ümid qəsəbəsində yaşayış məhəllələrində keçirilib. Görüşdə əvvəlcə parlament seçkilərinin ölkəmizin demokratik inkişafında rolu və əhəmiyyəti barədə məlumat verilib, həmçinin ölkəmizin son illərdə Prezident İlham Əliyevin rəhbərliyi ilə əldə etdiyi böyük nailiyyətlər vurğulanıb, YAP-ın bu siyasətin həyata keçirilməsində rolu barədə danışılıb.
Görüşdə 11 saylı Qaradağ Seçki Dairəsi üzrə Yeni Azərbaycan Partiyasının deputatlığa namizədi Aydın Hüseynov əvvəlcə seçicilərə minnətdarlıq edib. O, sonra deyib ki, hazırda respublikamız Prezident İlham Əliyevin rəhbərliyi ilə həyata keçirilən məqsədyönlü siyasət sayəsində özünün dinamik inkişaf dövrünü yaşayır və iqtisadi potensialını ilbəil artırır. Aydın Hüseynov daha sonra deyib ki, YAP yarandığı gündən yalnız bir məqsədə - Azərbaycan dövlətçiliyinin möhkəmlənməsinə, inkişafına, xalqımızın rifahına xidmət edib. Ona görə də, bu gün YAP Azərbaycan cəmiyyətinin dəstəklədiyi, etimad göstərdiyi yeganə siyasi partiyadır.
Aydın Hüseynov seçicilərin etimadını qazanıb Milli Məclisə seçiləcəyi təqdirdə əsas diqqət ayıracağı məsələlər və görəcəyi işlər barədə də məlumat verib.
Görüşdə çıxış edən seçicilər - Sədəf Novruzova, Elmin Yusubov, Gülnar Gülmalıyev və digərləri YAP-ın namizədi Aydın Hüseynovun müsbət insani keyfiyyətlərindən, onun rayonun ictimai-siyasi həyatında fəal iştirakından danışıb, A.Hüseynovun bu dairə üzrə irəli sürülən namizədlər içərisində ən layiqlisi olduğunu, noyabrın 1-də səsvermə məntəqələrinə gələrək məhz ona səs verəcəklərini bir daha bəyan ediblər.

Paylaş:
Baxılıb: 761 dəfə

Xəbər lenti

Hamısına bax

İqtisadiyyat

Sosial

İqtisadiyyat

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30