Nəriman Əliyevin seçiciləri ilə növbəti görüşü keçirilib

Bakı:

19 °C

72 %

3 m/s

Əlaqə

AZ RU EN

Ana səhifə / YAP xəbərləri / Nəriman Əliyevin seçiciləri ilə növbəti görüşü keçirilib

Nəriman Əliyevin seçiciləri ilə növbəti görüşü keçirilib

28.10.2015 [10:39]

YAP Masallı rayon təşkilatı 1 noyabrda keçiriləcək parlament seçkiləri ilə bağlı təbliğat kampaniyasını uğurla davam etdirir
1 noyabr 2015-ci il tarixində Azərbaycan Respublikası Milli Məclisinə keçiriləcək seçkilərdə Yeni Azərbaycan Partiyası (YAP) tərəfindən 70 saylı Masallı şəhər Seçki Dairəsi üzrə deputatlığa namizədliyi irəli sürülmüş Nəriman Əlibala oğlu Əliyevin Masallı rayonunda seçicilərlə görüşləri davam edir. Növbəti görüşlər rayonun Qarğalıq və Şərəfə kəndlərində keçirilib.
Görüşlərdə çıxış edən YAP Masallı rayon təşkilatının sədri Seyfəddin Əliyev Azərbaycanın əldə etdiyi nailiyyətlərdən söz açıb. Natiq əldə olunan bu uğurların düzgün siyasi kursun nəticəsi olduğunu qeyd edib: “Bu gün Azərbaycan yürütdüyü daxili və xarici siyasət nəticəsində regionun lider dövlətinə çevrilib. Bu nailiyyətin təməlində isə Ümummilli lider Heydər Əliyevin əsasını qoyduğu düzgün siyasi kurs dayanır. Biz YAP-ın Sədri, Prezident İlham Əliyevin ətrafında sıx birləşməli və Onun apardığı siyasəti dəstəkləməliyik. Buna görə də mən sizin hər birinizi YAP-ın layiqli namizədi Nəriman Əliyevə səs verməyə çağırıram”.
Görüşdə Qarğalıq kənd sakinlərindən Əyyub Mehdiyev, Rəbbi Kərimov, Qardaş Fətullayev, Fəxrəddin Baxışov, həmçinin Şərəfə kəndində keçirilən görüşdə kənd sakinlərindən Xankişi Xankişiyev, Rafət Abbasov, Şirvan Əbilov, Tofiq Mirzəyev hər kəsi seçkidə Nəriman Əliyevə səs verməyə çağırıblar.
Sonra çıxış edən Yeni Azərbaycan Partiyasının 70 saylı Masallı şəhər Seçki Dairəsi üzrə deputatlığa namizədi Nəriman Əliyev deyib: “Su, qaz, yol, rabitə və s. kimi problemlər artıq tarixə çevrilib. Bu səpkidən olan məsələlər, demək olar ki, tamamilə öz həllini tapıb. Bir faktı qeyd edim ki, mənim namizəd olduğum 70 saylı Seçki Dairəsinə aid ərazilərdə qazlaşma respublika üzrə ən yüksək səviyyəyə - 98 faizə çatıb. Rayonumuzun əsasən Muğan zonasında olan kəndlərin içməli su problemi həll olunmaqdadır. Ucqar kəndlərimizə belə müasir yollar çəkilib. Bu işlər Azərbaycan dövlətinin, xüsusilə də dövlət başçısı Prezident İlham Əliyevin yorulmaz və əzmkar fəaliyyəti nəticəsində həyata keçib. Bizim borcumuz da bu işlərdə cənab İlham Əliyevə yaxından köməklik göstərmək, Onun siyasi kursunu dəstəkləməkdir. Buna görə də mən sizin hər birinizi YAP-ın namizədlərinə səs verməyə çağırıram”.
Sonda kənd sakinləri ilə namizəd arasında səmimi söhbət olub, fikir mübadiləsi aparılıb, təkliflər irəli sürülüb.

Paylaş:

Baxılıb: 997 dəfə