Heydər Əliyev
yeni azerbaycan logo

Ana səhifə / YAP xəbərləri / YAP Nəsimi rayon təşkilatı və YAP Gənclər Birliyinin birgə təşəbbüsü ilə “Zəfərə doğru” adlı tədbir keçirilib

YAP Nəsimi rayon təşkilatı və YAP Gənclər Birliyinin birgə təşəbbüsü ilə “Zəfərə doğru” adlı tədbir keçirilib

23.06.2016 [10:18]

Dünən Yeni Azərbaycan Partiyası (YAP) Nəsimi rayon təşkilatı və YAP Gənclər Birliyinin birgə təşəbbüsü ilə “Nizami” Kino Mərkəzində 26 İyun - Azərbaycan Respublikası Silahlı Qüvvələri Gününə həsr olunmuş “Zəfərə doğru” adlı tədbir keçirilib.
Tədbirdə çıxış edən YAP Nəsimi rayon təşkilatının sədri, partiyanın Siyasi Şurasının üzvü, Milli Məclisin deputatı Məlahət İbrahimqızı bildirib ki, xalqımız hər il 26 İyun - Azərbaycan Respublikası Silahlı Qüvvələri Gününü təntənəli şəkildə bayram edir. Onun sözlərinə görə, əsası Ümummilli lider Heydər Əliyev tərəfindən qoyulmuş Milli Ordumuz bu gün ölkə Prezidenti, Ali Baş Komandan İlham Əliyevin rəhbərliyi ilə daha da güclənir: “Son dövrlərdə ordumuzun döyüşlərdə göstərdiyi şücaət, qazandığı qələbələr xalqımızda böyük ruh yüksəkliyi yaratdı, döyüş əzmini artırdı. Əminik ki, ordumuz Ali Baş Komandanın rəhbərliyi ilə işğal altında qalan digər torpaqlarımızı da azad edəcək. Qələbə bayrağımız ölkəmizin dilbər guşələri olan Xankəndi və Şuşada dalğalanacaq. Hər zaman torpaqlarımızın müdafiəsi, ərazi bütövlüyü uğrunda qəhrəmanlıq və şücaət göstərməyə hazır olan Azərbaycan əsgəri şəhidlərimizin qanını yerdə qoymayacaq, lazım gələrsə, canını belə əsirgəməyəcək”.
YAP Gənclər Birliyinin sədri, partiyanın Siyasi Şurasının üzvü Seymur Orucov aprel ayında cəbhə bölgəsində baş verən hadisələrin ordumuzun gücünü nümayiş etdirdiyini bildirib. S.Orucov qeyd edib ki, həmin döyüşlərdə Azərbaycan Ordusu düşmənə sarsıdıcı zərbələr vurub. Onun sözlərinə görə, Prezident İlham Əliyevin siyasəti nəticəsində Azərbaycanın güclü ordusu yaradılıb: “Bu ordu düşmənin layiqli cavabını verir. Biz Prezident, Ali Baş Komandan İlham Əliyevin əsgəri olmaqdan qürur duyuruq. Bu gün YAP-ın çoxminli gənc üzvləri əlinə silah alıb döyüşə getməyə hazırdır”.
Müdafiə Nazirliyinin nümayəndəsi, polkovnik Abdulla Qurbani çıxış edərək ordumuzun hər zaman Azərbaycan xalqına güvəndiyini bildirib.
Daha sonra tədbir bədii hissə ilə davam edib və hərbi vətənpərvərlik musiqiləri təqdim olunub.

Paylaş:
Baxılıb: 946 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30