YAP Daşkəsən rayon təşkilatının rayon İcra Hakimiyyəti ərazi ilk partiya təşkilatının hesabat-seçki yığıncağı keçirilib

Bakı:

25 °C

53 %

2 m/s

AZ RU EN

Ana səhifə / YAP xəbərləri / YAP Daşkəsən rayon təşkilatının rayon İcra Hakimiyyəti ərazi ilk partiya təşkilatının hesabat-seçki yığıncağı keçirilib

YAP Daşkəsən rayon təşkilatının rayon İcra Hakimiyyəti ərazi ilk partiya təşkilatının hesabat-seçki yığıncağı keçirilib

08.02.2017 [09:58]

Yeni Azərbaycan Partiyası (YAP) Daşkəsən rayon təşkilatının rayon İcra Hakimiyyəti ərazi ilk partiya təşkilatının hesabat-seçki yığıncağı keçirilib. Hesabat məruzəsi ilə çıxış edən ərazi ilk partiya təşkilatının sədri Malik Ələsgərov YAP fəallarının rayonda keçirilən bütün mədəni-kütləvi tədbirlərdə aktiv iştirakını vurğulayıb.
Hesabat-seçki yığıncağında çıxış edən Daşkəsən rayon İcra Hakimiyyətinin başçısı Əhəd Abıyev bildirib ki, ölkəmizin hər yerində geniş vüsət alan quruculuq və abadlıq işləri Daşkəsən rayonunun timsalında da aydın görünür. Əhəd Abıyev daha sonra qeyd edib ki, son illər rayonda mühüm layihələr həyata keçirilib: “Rayon Mərkəzi Xəstəxanası, Statistika idarəsi, qəzalı vəziyyətdə olan yaşayış evlərinin sakinləri üçün yaşayış binaları, 7 müasir məktəb binası tikilmiş, 3 uşaq bağçası əsaslı təmir edilərək istifadəyə verilmiş, yaşayış binalarında bərpa-gücləndirmə işləri aparılmışdır. Daşkəsən şəhər və Alunitdağ qəsəbəsindəki çoxmərtəbəli yaşayış və inzibati binaların hamısının dam örtüyü yeni dəmir lövhələrlə əvəzlənmişdir. Daşkəsən şəhərində və Alunitdağ qəsəbəsində 35/6 kv-luq elektrik yarımstansiyası tikilib istifadəyə verilmişdir. Qabaqtəpə kəndində əhalinin gediş-gəlişinin yaxşılaşdırılması məqsədilə uzun illərdən bəri problemli məsələ kimi qalmış 2 ədəd müasir körpü tikilərək sakinlərin istifadəsinə verilmişdir. Bu gün Daşkəsən şəhərinin su-kanalizasiya sistemi müasir vəziyyətdə yenidən qurulur və bu sahədə işlər davam etdirilir. Bu işlər başa çatdıqdan sonra şəhər sakinləri 24 saat ekoloji təmiz içməli su ilə təmin olunacaqlar. İndi Daşkəsən inkişaf və tərəqqi dövrünü yaşayır. “Yeni Daşkəsən” layihəsi bütün rayon ictimaiyyətinin dərin razılığı ilə qarşılanır, bəyənilir və dəstəklənir. Hər bir daşkəsənli əldə edilən nailiyyətlərə və görülən işlərə görə ölkə Prezidenti cənab İlham Əliyevə öz dərin minnətdarlığını bildirir”.
Sonda Malik Ələsgərov yenidən ərazi ilk partiya təşkilatının sədri seçilib. Yığıncaqda həmçinin ərazi ilk partiya təşkilatının idarə heyətinin üzvləri və YAP Daşkəsən rayon təşkilatının IX konfransına nümayəndələr seçilib.

Paylaş:

Baxılıb: 1004 dəfə