Ulu öndər Heydər Əliyev irsinin öyrədilməsi məqsədilə xüsusi dərslər davam etdirilir

Bakı:

15 °C

72 %

10 m/s

Əlaqə

AZ RU EN

Ana səhifə / YAP xəbərləri / Ulu öndər Heydər Əliyev irsinin öyrədilməsi məqsədilə xüsusi dərslər davam etdirilir

Ulu öndər Heydər Əliyev irsinin öyrədilməsi məqsədilə xüsusi dərslər davam etdirilir

20.04.2017 [09:19]

Bu istiqamətdə növbəti tədbir YAP Nərimanov rayon təşkilatında keçirilib
Yeni Azərbaycan Partiyası (YAP) Nərimanov rayon təşkilatında müasir Azərbaycan tarixinin və Ulu öndər Heydər Əliyev irsinin öyrənilməsi məqsədilə ümumtəhsil məktəblərinin XI sinif şagirdləri üçün “Ulu öndər Heydər Əliyev müstəqil Azərbaycanın qurucusu və memarıdır” və “Ümummilli lider Heydər Əliyevin ideyaları müasir Azərbaycanın sosial-iqtisadi inkişafının təminatçısıdır” mövzuları üzrə dərslərin yekununa dair tədbir keçirilib. Tədbirdə Nərimanov rayon İcra Hakimiyyətinin başçısının müavinləri İradə Mahmudova, İlqar Mirzəyev və YAP Nərimanov rayon təşkilatının sədri Təmraz Tağıyev iştirak ediblər.
Tədbirdə çıxış edənlər bildiriblər ki, bu dərslər Heydər Əliyev irsinin qorunması və gənc nəsil arasında azərbaycançılıq ideologiyasının təbliği məqsədi daşıyır. O cümlədən bu dərslər gənc nəslə Ulu öndər Heydər Əliyevin zəngin ideyalarının yeni üsul və metodlarla çatdırılması, dahi şəxsiyyətin irsinin dövlətçilik, azərbaycançılıq konsepsiyasını, idarəçiliyini öyrənmək, öyrətmək, təbliğ etmək məqsədilə keçirilir. “Heydər Əliyevin irsi böyük bir elmi məktəbdir, möhkəm təməldir, inkişafımız və gələcəyimiz üçün əsasdır. Bu gün bütün sahələrdə, Azərbaycan reallıqlarında Heydər Əliyevin irsini görürük. Güclü və möhkəm təməl, milli dəyərlər üzərində müasir dövlətin qurulması Heydər Əliyev siyasətinin əsas istiqamətlərindən biridir. Məhz Ulu öndərimiz tərəfindən dövlətimizin ideoloji əsasları formalaşdırılıb”, - deyə çıxışlarda qeyd olunub.
Dərslərin tədrisi zamanı Ulu öndər Heydər Əliyevin həyat və fəaliyyətinin müxtəlif aspektləri geniş təhlil edilib, şagirdlərə dahi şəxsiyyətin siyasi irsi, dövlətçilik fəlsəfəsi, azərbaycançılıq məfkurəsi, xalqımız və dövlətimiz qarşısında misilsiz xidmətləri barədə ətraflı məlumat verilib. Bu dərslərdə həyat və fəaliyyətini xalqının xöşbəxtliyinə həsr etmiş Ümummilli lider Heydər Əliyevin mənalı ömür yolundan bəhs olunub, Azərbaycanın inkişafı və tərəqqisi naminə gördüyü nəhəng işlər ətraflı təhlil edilib, ölkə həyatının bütün sahələrində qazanılan nailiyyətlər konkret faktlarla diqqətə çatdırılıb.
Tədbirin yekununda təhsildə əldə etdiyi nailiyyətlərə, nümunəvi nizam-intizamına, həyata keçirilən layihələrdə fəal iştirakına görə bir qrup şagird və müəllim fəxri fərmanlarla təltif olunub.

Paylaş:

Baxılıb: 920 dəfə