YAP Şirvan şəhər təşkilatının VII konfransı keçirilib

Bakı:

11°C

87%

3m/s

Əlaqə

AZ RU EN

Ana səhifə / YAP xəbərləri / YAP Şirvan şəhər təşkilatının VII konfransı keçirilib

YAP Şirvan şəhər təşkilatının VII konfransı keçirilib

30.09.2017 [11:56]

Sentyabrın 29-da YAP Şirvan şəhər təşkilatının VII konfransı keçirilib.
Konfransı giriş sözü ilə YAP Şirvan şəhər təşkilatının sədri Əbülhəsən İbrahimov açaraq hesabat məruzəsi ilə çıxış edib. Sədrin hesabatından sonra nəzarət-təftiş qrupunun məlumatı dinlənilib.
Konfransda çıxış edən təşkilat nümayəndələri YAP Şirvan şəhər təşkilatının hesabat dövrü ərzindəki fəaliyyətini qənaətbəxş hesab etdiklərini bildiriblər.
Konfransda həmçinin Yeni Azərbaycan Partiyasının Siyasi Şurasının üzvlərindən Milli Məclisin Əmək və sosial siyasət komitəsinin sədri Hadi Rəcəbli, “İki sahil” qəzetinin baş redaktoru Vüqar Rəhimzadə, eləcə də Şirvan şəhər İcra Hakimiyyətinin başçısı Mərdan Camalov çıxış ediblər.
Çıxışlarda qeyd olunub ki, Ulu öndərimiz Heydər Əliyevin yaradıcısı olduğu Yeni Azərbaycan Partiyası bu gün ölkəmizin ictimai-siyasi həyatının aparıcı qüvvəsinə çevrilərək regionun ən iri və ən güclü siyasi partiyalarından biri olub. Heydər Əliyev ideyalarını özünün ideoloji və siyasi mübarizəsinin əsas silahı kimi mənimsəyən Yeni Azərbaycan Partiyası ötən 25 il ərzində bir çox uğurlara imza atıb. Partiyamızın sıraları genişlənərək 700000-i ötüb, beynəlxalq nüfuzu artaraq möhkəmlənib. Yeni Azərbaycan Partiyasına Prezidentimiz İlham Əliyevin rəhbərlik etməsinin, Onun yorulmaq bilməyən titanik fəaliyyətinin partiyamızın inkişafının və qazandığı uğurların əsasını təşkil etdiyi bildirilib. Azərbaycanın müstəqilliyin ilk illərində ölkəmiz bir çox ciddi sınaqlarla üzləşib, tariximizin ən ağır, ən faciəli hadisələrini yaşayıb. Xalqımızın böyük oğlu, Ulu öndər Heydər Əlirza oğlu Əliyevin titanik zəhməti, müdrikliyi və uzaqgörənliyi sayəsində respublikamız bu sınaqlardan şərəflə çıxıb, bu gün dünyanın inkişaf etmiş ölkələri sırasında layiqli yerini tutub.
Azərbaycan dünyada qadın hüquqlarını tanıyan ilk dövlətlərdən biri, Şərqdə qadınlara seçki hüququ verən birinci dövlət olub. Qadına yüksək hörmət və ehtiram xalqımızın ən nəcib və ən ali xüsusiyyətlərindən biridir. Azərbaycan qadını həmişə öz yüksək əxlaqi keyfiyyətləri ilə seçilib, mənəvi dəyərlərilə cəmiyyətdəki rolunu möhkəmləndirib. Partiyamızın V qurultayında Heydər Əliyev Fondunun prezidenti Mehriban xanım Əliyevanın Yeni Azərbaycan Partiyasının Sədr müavini seçilməsi qadınların cəmiyyətdəki rolunu təsdiqləməklə yanaşı, partiyamızın fəaliyyətinə bir dinamizm qatıb.
Möhtərəm Prezidentimiz cənab İlham Əliyev tərəfindən Mehriban xanım Əliyevanın Birinci vitse-prezident təyin edilməsi xalqımızın sosial sifarişi, Mehriban xanım Əliyevaya olan xalqın sevgi, məhəbbətinin təsdiqi olmaqla yanaşı, eyni zamanda onun çoxşaxəli fəaliyyətinin, xalqımızın sosial rifahının qoruyucusu, mədəniyyətimizin hamisi, ölkəmizin nüfuzunun dünya miqyasında tanıdılması sahəsindəki yorulmaq bilməyən əməyinin yüksək qiymətləndirilməsi deməkdir.
Konfransda daha sonra təşkilati məsələlərə baxılıb. Konfrans YAP Şirvan şəhər təşkilatının 45 nəfərdən ibarət Şurasını və 5 nəfərdən ibarət nəzarət-təftiş qrupunu seçib. Şirvan şəhər İcra Hakimiyyəti başçısının birinci müavini Samid Abıyev yekdilliklə şəhər təşkilatının sədri seçilib.

Paylaş:

Baxılıb: 588 dəfə