YAP-ın yaranmasının 25-ci ildönümü münasibətilə Yevlaxda təntənəli tədbir keçirilib

Bakı:

7°C

93%

0m/s

Əlaqə

AZ RU EN

Ana səhifə / YAP xəbərləri / YAP-ın yaranmasının 25-ci ildönümü münasibətilə Yevlaxda təntənəli tədbir keçirilib

YAP-ın yaranmasının 25-ci ildönümü münasibətilə Yevlaxda təntənəli tədbir keçirilib

15.11.2017 [10:15]

Yeni Azərbaycan Partiyasının (YAP) yaranmasının 25-ci ildönümü münasibətilə Yevlaxda təntənəli tədbir keçirilib. Tədbir iştirakçıları öncə Ulu öndər Heydər Əliyevin abidəsi önünə güllər düzərək, əziz xatirəsini ehtiramla yad ediblər.
Sonra “Sahil” istirahət mərkəzində davam etdirilən tədbiri giriş sözü ilə açan YAP Yevlax rayon təşkilatının sədri, millət vəkili İlham Məmmədov deyib ki, Yeni Azərbaycan Partiyası ötən müddət ərzində şərəfli inkişaf yolu keçib. Onun sözlərinə görə, ümumxalq partiyası olan, Ulu öndər Heydər Əliyevin rəhbərliyi ilə yaranmış və bu gün Prezident cənab İlham Əliyevin Sədri olduğu YAP-ın nüfuzu günü-gündən artmaqdadır.
Natiq deyib ki, YAP-ın əldə etdiyi uğurlar və qazandığı nailiyyətlər partiyamızın Yevlax rayon təşkilatında da öz əksini tapıb: “17 iyul 1993-cü ildə əsası qoyulan YAP Yevlax rayon təşkilatının say tərkibi günbəgün artmaqdadır. Bu gün YAP Yevlax rayon təşkilatının üzvlərinin sayı 8660 nəfər təşkil edir ki, onlardan da 4450 nəfəri qadınlar, 2010 nəfəri isə gənclərdir”.
Sonra Yevlax şəhər İcra Hakimiyyətinin başçısı, YAP Yevlax rayon təşkilatı İdarə Heyətinin üzvü Qoca Səmədov yubiley münasibəti ilə tədbir iştirakçılarını təbrik edib. Q.Səmədov bildirib ki, YAP-ın yaranması müstəqillik tariximizdə yeni mərhələnin əsasını qoyub: “Zamanın tələbi ilə yaranmış, dünənin, bu günün və sabahın partiyası olan YAP 25 il ərzində şərəfli tarixi yol keçərək, müstəqil dövlətimizin möhkəmlənməsində xüsusi rol oynayıb. Bu yubiley münasibətilə bütün partiya üzvlərini, o cümlədən YAP Yevlax rayon təşkilatının hər bir üzvünü, rayonumuzun bütün əhalisini təbrik edirəm”.
Tədbirdə həmçinin YAP Yevlax rayon təşkilatı Qadınlar Şursının sədri Əminə Əhmədova, YAP Yevlax rayon təşkilatının sədr müavini Vahid Quliyev, YAP Yevlax rayon təşkilatının sədr müavini, Aparat rəhbəri Əli Quliyev və başqaları çıxış edərək ötən 25 ildə əldə edilən uğurlar barədə danışıblar. Qeyd olunub ki, tarixi zərurətdən yaranan YAP ümumxalq partiyası kimi bütün proseslərdə öndə olub. Bildirilib ki, məhz xalq arasında yüksək nüfuza malik olmasının nəticəsidir ki, hazırda YAP sıralarında 700 mindən çox üzv cəmləşib. Bu gün Heydər Əliyev ideyaları ölkəmizdə uğurla həyata keçirilir. Cənab Prezidentimiz İlham Əliyevin Azərbaycanda həyata keçirdiyi dünya miqyaslı layihələr Ulu öndər Heydər Əliyevin arzularının təzahürüdür.
Sonra partiyanın işində fərqləndiklərinə görə bir qrup YAP fəalları fəxri fərman və qiymətli hədiyyələrlə təltif ediliblər. Tədbir şən musiqi və rəqslərlə davam edib.

Paylaş:

Baxılıb: 584 dəfə