YAP Binəqədi rayon təşkilatının yaradılmasının 25-ci ildönümü münasibətilə tədbir keçirilib

Bakı:

29 °C

48 %

7 m/s

AZ RU EN

Ana səhifə / YAP xəbərləri / YAP Binəqədi rayon təşkilatının yaradılmasının 25-ci ildönümü münasibətilə tədbir keçirilib

YAP Binəqədi rayon təşkilatının yaradılmasının 25-ci ildönümü münasibətilə tədbir keçirilib

10.03.2018 [00:59]

Martın 7-də Yeni Azərbaycan Partiyası (YAP) Binəqədi rayon təşkilatının yaradılmasının 25-ci ildönümü münasibətilə tədbir keçirilib. Tədbir iştirakçıları öncə YAP Binəqədi rayon təşkilatının inzibati binasının qarşısında Ulu öndər Heydər Əliyevin abidəsi önünə gül dəstələri qoyaraq, dahi şəxsiyyətin əziz xatirəsinə ehtiramlarını bildiriblər.
Daha sonra tədbirdə YAP Binəqədi rayon təşkilatının yaradılmasından ötən 25 il ərzindəki fəaliyyətindən bəhs edən videoçarx nümayiş etdirilib.
Tədbiri giriş sözü ilə açan YAP Binəqədi rayon təşkilatının sədri Ramiz Göyüşov bildirib ki, Yeni Azərbaycan Partiyasının yaradılmasından sonra ilk yaradılan rayon təşkilatlarından biri də məhz Binəqədi rayon təşkilatıdır. Sıralarında 15 mindən çox üzvü birləşdirən rayon təşkilatı 1993-cü ilin 7 mart tarixində təsis edilib. Çıxışında bu ilin 11 aprel tarixində keçiriləcək prezident seçkilərinə də toxunan Ramiz Göyüşov seçkilərə hazırlıq mərhələsində görülən işlər barədə ətraflı məlumat verib.
Tədbirdə çıxış edən Milli Məclisin Aqrar siyasət komitəsinin sədri, YAP İdarə Heyətinin üzvü Eldar İbrahimov partiyanın yaradılmasının tarixi zərurət olduğunu bildirərək diqqəti o zamankı siyasi vəziyyətə yönəldib. Komitə sədri 1990-cı illərin əvvəllərində ölkəni idarə edən şəxslərin yarıtmaz fəaliyyətinin xalqın səbir kasasının daşmasına səbəb olduğunu, xalqımızın Ulu öndər Heydər Əliyevin hakimiyyətə gəlməsini tələb etdiyini, Ümummilli liderimizin 1993-cü ildə Azərbaycanı xilas etməsinin ölkəmizin tarixində mühüm bir hadisə olduğunu bildirib. Millət vəkili həmçinin Ulu öndər Heydər Əliyevin Azərbaycan dövlətçiliyinin inkişafı üçün misilsiz xidmətlər göstərdiyini və bu siyasətin bu gün də uğurla davam etdirildiyini diqqətə çatdırıb. Eldar İbrahimov, eyni zamanda, YAP Binəqədi rayon təşkilatının fəaliyyətinə toxunaraq təqdir edib.
YAP Gənclər Birliyinin sədr müavini, YAP Binəqədi rayon təşkilatı Qadınlar Şurasının sədri Aytac Əliyeva tədbirdə çıxış edərək partiyanın qadınların inkişafı, cəmiyyətdəki yeri və rolunun artırılması istiqamətindəki səylərindən danışıb.
Millət vəkili Kəmaləddin Qafarov da YAP-ın Azərbaycanın həyatında mühüm rol oynadığını qeyd edib.
Tədbirdə çıxış edən Binəqədi rayon İcra Hakimiyyətinin başçısı Xaləddin İsgəndərov Ümummilli lider Heydər Əliyev tərəfindən əsası qoyulan inkişaf strategiyasının hazırda uğurla davam etdirildiyini bildirib. Xaləddin İsgəndərov ölkədə həyata keçirilən işlərdə YAP üzvlərinin yaxından iştirak etdiyini, bu məsələdə YAP Binəqədi rayon təşkilatının da fəallıq göstərdiyini deyib.
Tədbirin sonunda YAP sıralarına yeni üzv qəbul edilən bir qrup gəncə partiya üzvlük vəsiqələri təqdim edilib. Eyni zamanda, YAP Binəqədi rayon təşkilatının ictimai-siyasi həyatında fəal iştirakına görə və rayon təşkilatının yaradılmasının 25 illik yubileyi münasibətilə bir qrup partiya fəalı təltif olunub.

Paylaş:

Baxılıb: 1042 dəfə