YAP Sabirabad rayon təşkilatının 2020-ci il ərzindəki fəaliyyətinin yekunlarına həsr olunmuş hesabat yığıncağı keçirilib

Bakı:

16 °C

67 %

10 m/s

AZ RU EN

Ana səhifə / YAP xəbərləri / YAP Sabirabad rayon təşkilatının 2020-ci il ərzindəki fəaliyyətinin yekunlarına həsr olunmuş hesabat yığıncağı keçirilib

YAP Sabirabad rayon təşkilatının 2020-ci il ərzindəki fəaliyyətinin yekunlarına həsr olunmuş hesabat yığıncağı keçirilib

19.02.2021 [09:24]

Yeni Azərbaycan Partiyası (YAP) Sabirabad rayon təşkilatının 2020-ci il ərzindəki fəaliyyətinin yekunlarına həsr olunmuş videokonfrans formatında hesabat yığıncağı keçirilib. Əvvəlcə şəhidlərimizin əziz xatirəsi bir dəqiqəlik sükutla yad edilib.
Tədbirdə YAP Sabirabad rayon təşkilatının sədri Məleykə Ağayeva rayon təşkilatının ötən il ərzindəki fəaliyyəti barədə geniş hesabat məruzəsi ilə çıxış edib. Məleykə Ağayeva bildirib ki, rayon təşkilatının 2020-ci ildəki fəaliyyətinin əsas istiqamətlərindən biri ölkə Prezidenti, partiyamızın Sədri İlham Əliyevin rəhbərliyi ilə görülən işlərin təbliğindən və cəmiyyətə çatdırılmasından ibarət olub. İdeoloji, təşkilati fəaliyyətin həyata keçirilməsi, o cümlədən gənclərə vətənpərvərlik, dövlətçilik, azərbaycançılıq ideologiyasının aşılanması istiqamətində də çoxsaylı layihələr icra olunub.
Həmçinin 27 sentyabr 2020-ci il tarixində başlanmış 44 günlük Vətən müharibəsi dövründə Yeni Azərbaycan Partiyası İcra Katibliyinin təlimat və tapşırıqlarına əsasən rayonun şəhid ailələrinə, qazilərinə yardımlar edilib. Eləcə də ordumuza yardım göndərilib, Vətən müharibəsində iştirak üçün səfərbərliklə orduya çağırılmış hərbçilərin ailələrinə yardımlar çatdırılıb, Silahlı Qüvvələrə Yardım Fonduna vəsait köçürülüb. Bununla yanaşı, 31 Dekabr - Dünya Azərbaycanlılarının Həmrəyliyi Günü münasibətilə Sabirabad rayonunda yaşayan şəhid ailələrinə, qazilərə ərzaq yardımları verilib.
Məleykə Ağayeva qeyd edib ki, ərazilərdə gənclərlə və qadınlarla aparılan iş Yeni Azərbaycan Partiyası Sabirabad rayon təşkilatı aparatının, Gənclər Birliyi və Qadınlar Şurasının daim diqqət mərkəzində saxlanılıb. Hazırda rayon təşkilatı 94 ərazi ilk partiya təşkilatı üzrə 11877 nəfər partiya üzvünü öz ətrafında birləşdirir ki, onların 4272 nəfəri qadın, 4753 nəfəri isə gənclərdir.
Sonra çıxış edən Sabirabad rayon İcra Hakimiyyətinin başçısının müavini Həsən Həsənov, YAP İcra Katibliyinin məsul işçisi Həsən Daşdəmirov, YAP Sabirabad rayon təşkilatı Nəzarət-təftiş komissiyasının sədri Cavid Cavadov və başqaları görülən işlərdən danışıb, təşkilatın üzvlərinin rayondakı ictimai-siyasi proseslərdə öz fəallıqları ilə fərqləndiklərini qeyd edib və 2020-ci ildə rayon təşkilatının fəaliyyətinin qənaətbəxş qəbul edilməsini məqsədəuyğun hesab ediblər.
Çıxışlardan sonra YAP Sabirabad rayon təşkilatının 2020-ci ildəki fəaliyyəti qənaətbəxş hesab edilib və 2021-ci il üçün Fəaliyyət Planı qəbul olunub.

Paylaş:

Baxılıb: 634 dəfə