İmişli rayon Ağsaqqallar Şurası Rus icmasının üzvələrinin iştirakı ilə "Pasxa" bayramı münasibətilə tədbir keçirib

Bakı:

23 °C

59 %

8 m/s

AZ RU EN

Ana səhifə / Xəbər lenti / İmişli rayon Ağsaqqallar Şurası Rus icmasının üzvələrinin iştirakı ilə "Pasxa" bayramı münasibətilə tədbir keçirib

İmişli rayon Ağsaqqallar Şurası Rus icmasının üzvələrinin iştirakı ilə "Pasxa" bayramı münasibətilə tədbir keçirib

18.04.2025 [15:55]

17 aprel 2025-ci il tarixdə İmişli rayon Ağsaqqallar Şurası xristianların "Pasxa" bayramı münasibətilə rayon mərkəzində yerləşən möhtəşəm "Kral Saray"da tədbir keçirmişdir.

Bayram tədbirində İmişli rayon Ağsaqqallar Şurasının rəhbərliyi, ərazi təşkilatlarının sədrləri və İmişli rayonu Rus icmasının çoxsaylı üzvləri iştirak etmişdir. Zəngin bayram süfrəsi, "Kral Saray"ın xidmət personalı və musiqi ansambılı məclisə əsrarəngiz ovqat qatmışdır!

Təntənəli görüşü giriş sözü ilə açan İmişli rayon Ağsaqqallar Şurası sədrinin Millətlərarası Münasibətlər üzrə köməkçisi Adil Kərimov bəşəri ənənəvi dəyərlər daşıyıcısı olan "Pasxa"nın mahiyyəti və onun müasir dövrümüz üçün tərbiyəvi əhəmiyyətindən danışdı.

Tədbirdə çıxış edən İmişli rayon Ağsaqqallar Şurasının sədri Saleh Səmədov Azərbaycan Ağsaqqallar Şurasının sədri, millət vəkili, professor, çox hörmətli Eldar Quliyevin adından və öz adından görüş iştirakçılarını salamlayaraq təbrik etdi! Milli və dini münasibətlərdə tolerantlığın mühüm əhəmiyyətini önə çəkərək İmişli rayon Ağsaqqallar Şurasının fəaliyyətində bu dəyərlərə xüsusi diqqət yetirildiyini qeyd etdi. Möhtərəm prezidentimiz İlham Əliyevin çoxmillətli respublikamızda "xalqlar dostluğu bütün qələbələrimizin rəhnidir" fikrini önə çəkən Saleh Səmədov çıxışını "dəmir yumruqlu, dəmir iradəli prezidentimizin ətrafında müsəlləh əsgər kimi birləşməyin hər bir Azərbaycan vətəndaşı üçün müqəddəs vicdan borcudur" sözləri ilə yekunlaşdırdı!

Təntənəli görüşdə söz alan İmişli rayon Rus icmasının sədri xanım Lyudmila Beteva İmişli rayon Ağsaqqallar Şurasına və Şuranın sədri Saleh Səmədova icma üzvləri adından dərin minnətdarlığını bildirdi və öz növbəsində iştirakçılara müqəddəs "Pasxa" bayramı münasibətilə təbriklərini və dualarını ifadə etdi!

Görüşdə İmişli rayon Ağsaqqallar Şurası sədrinin müavini Məmi Atakişiyev, Əliqulular kənd ərazi təşkilatının sədri, əməkdar müəllim, Prezident təqaüdçüsü Səxavət Tağlar, Qaravəlli kənd ərazi təşkilatının sədri Tahir Quliyev və rus icmasının üzvləri çıxış etdilər.

Tədbirin sonunda rus icmasının üzvlərinə, üzərində Azərbaycan Ağsaqqallar Şurasının emblemi olan qutularda bayram sovqatları hədiyyə edildi.

Tədbir musiqi, rəqs, minnətdarlıq bildirən fikirlərlə davam edərək yüksək əhval- ruhiyyə ilə yekunlaşdı.

Paylaş:

Baxılıb: 747 dəfə