EBRD və Aİ Azərbaycana birbaşa xarici sərmayələrin cəlbinə dəstək olacaq

Bakı:

26 °C

78 %

3 m/s

Əlaqə

AZ RU EN

Ana səhifə / Xəbər lenti / EBRD və Aİ Azərbaycana birbaşa xarici sərmayələrin cəlbinə dəstək olacaq

EBRD və Aİ Azərbaycana birbaşa xarici sərmayələrin cəlbinə dəstək olacaq

07.04.2022 [17:26]

Avropa Yenidənqurma və İnkişaf Bankı (EBRD), Avropa İttifaqı və AZPROMO (Azərbaycanda İxracın və İnvestisiyaların Təşviqi Agentliyi) ilə birgə ölkəyə birbaşa xarici sərmayələri təşfiq etmək üçün səylərini birləşdirirlər.

“Report” EBRD-yə istinadən xəbər verir ki, Azərbaycanın qeyri-neft sektoruna sərmayəçiləri cəlb etmək, həmin sektorun Avropa istehsalat və satış zəncirlərinə inteqrasiyasını artırmaq ölkə iqtisadi potensialının daha dolğun üzə çıxartmağın mühüm vasitəsidir: “AZPROMO tərəfindən hazırlanmış beşillik milli ixracat strategiyası 2026-cı ilədək ölkənin qeyri-neft ixracatını ikiqat artırmağa yönəlib”.

EBRD ilə AZPROMO Avropa İttifaqının maliyyə dəstəyilə kənd təsərrüfatı və balıqçılıq kimi sahələrdə 5 öncül layihə üçün təkliflər zərfi və sərmayə yönəltmə strategiyası hazırlayır. Sonrakı mərhələdə isə sərmayəçilər tapmaq üçün addımlar atılacaq və bu zaman Avropaya üstünlük veriləcək.

Bu təşəbbüs çərçivəsində sahəvi bazarların və sərmayədarların təhlili, AZPROMO əməkdaşlarına təqdimatların keçirməyi öyrətmək, sərmayə cəlb etmək üçün Avropanın əsas bazarlarında “road show” təşkil etmək nəzərdə tutulur.

“Bu, Aİ ilə EBRD sərmayə mühitinə dair tədbirlər planı çərçivəsində Şərq Tərəfdaşlığı ölkələrində sərmayələrin təşviqi üçün qurumların potensialını artırmaq istiqamətində daha əhatəli səylər çərçivəsində EBRD ilə AZPROMO arasında ilk texniki əməkdaşlıqdır. Həmin plan Şərq Əməkdaşlığının bərpa, dayanıqlılıq, islahatlar siyasətini və əlavə olaraq Avropa İttifaqının Azərbaycana sərmayə cəlb etməklə planını dəstəkləyəcək”, – deyə EBRD-inin açıqlamasında qeyd olunur.

Qeyd edək ki, Azərbaycanda başlıca korporativ sərmayədar olan EBRD indiyədək ölkə iqtisadiyyatının müxtəlif sahələrində 180-dən artıq layihəyə 3,4 milyard avroya yaxın vəsait yatırıb. Bankın Azərbaycandakı strategiyası iqtisadiyyatın şaxələnməsinə, qeyri-neft özəl sektorunun inkişafına dəstək verməkdir.

Azərbaycanda ən çox qrant ayıran qurum olan Avropa İttifaqı da kənd təsərrüfatı idarəçiliyinindəki islahatları, həmin sektorda sanitar və fitosanitar tədbirləri, ənənəvi kənd bitkilərinin bazara çıxarılmasını dəstəkləyir.

2021-ci ilin 2 iyul tarixində Avropa Komisiyası və Avropa İttifaqının xarici işlər və təhlükəsizlik siyasəti ali nümayəndəsi şərq tərəfdaşlarla qarşıdakı ilərdə əməkdaşlığın başlıca istiqamətlərinə dair təkliflərini açıqlayıblar. Əsas diqqət dayanıqlılığa söykənən 5 uzunmüddətli hədəfə yönəldilir. Həmçinin qrantları və müvafiq zəmanətləri ehtiva edən 2,3 milyard avro həcmində iqtisadi və sərmayə planı ortaya qoyulur. Bu plan həmçinin 17 milyard avro həcmində dövlət və özəıl sərmayə cəlb etmək ehtimalını da nəzərdə tutur.

Paylaş:

Baxılıb: 729 dəfə