Türkiyə - Azərbaycan birliyi sarsılmazdır

Bakı:

29 °C

53 %

13 m/s

Əlaqə

AZ RU EN

Ana səhifə / Xəbər lenti / Türkiyə - Azərbaycan birliyi sarsılmazdır

Türkiyə - Azərbaycan birliyi sarsılmazdır

13.02.2023 [16:16]

Ölkəmizin bütün şəhər və rayonlarında, dövlət qurumlarında, ayrı - ayrı təşkilatlarında Türkiyədə baş vermiş təbii fəlakət - zəlzələ ilə əlaqədar qardaş ölkəyə yardım kompaniyası davam etməkdədir. Azərbaycan Prezidenti İlham Əliyevin təşəbbüsünə, Mehriban xanım Əliyevanın çağırışlarına cavab olaraq sadə insanlardan tutmuş bütün ölkə vətəndaşları əsl həmrəylik, qardaşlıq və dostluq nümayiş etdirir. Hər bir kəs əlindən gələni etməyə çalışır. İndi elə bir azərbaycanlı tapılmaz ki, o, türk qardaş və bacılarımızın acı taleyinə kədərlənməmiş olsun, öz həmrəyliyini bildirməsin, yardım kompaniyasından kənarda qalsın.

Azərbaycan Respublikasının Birinci vitse - prezidenti Mehriban xanım Əliyevanın rəsmi instaqram səhifəsindəki paylaşımı hər bir Azərbaycan vətəndaşının ürəyindən xəbər verir və insanları xeyirxah məqsədlər, yardımlar üçün səfərbər olmağa ruhlandırır.

Həmvətənlərimizə müraciətdə bildirilir ki, “Hər zaman birlik və həmrəylik nümayiş etdirərək bir - birinə kömək etməyə hazır olmaq, əl - ələ vermək, çətinliklərdən və sınaqlardan birlikdə üzüağ çıxmaq Azərbaycan xalqının ən gözəl xüsusiyyətlərindən biridir. Qardaş Türkiyədə baş vermiş dəhşətli zəlzələnin ilk saatlarından Türkiyə xalqına göstərdiyimiz dəstək xalqlarımız arasında qardaşlıq, dostluq münasibətlərinin, qarşılıqlı sevginin sarsılmazlığının, möhkəmliyinin, əbədiliyinin növbəti əyani sübutudur”.

Bu təsirli ifadələr sözsüz ki, sözdə deyil əməldə, real köməkliklərdə özünü aydın göstərir. Bu gün bütünlüklə Azərbaycan xalqı Türkiyənin yanındadır. Xilasedicilərimiz, tibb işçilərimiz, diplomatik xidmət əməkdaşlarımız, mətbuat nümayəndələri, könüllülərimiz fəlakətdən zərər çəkən hər bir insana köməkliklərini əsirgəmir, gecə - gündüz fəlakətin aradan qaldırılmasına çalışırlar.

Əsrin ən dəhşətli fəlakatı hesab edilən zəlzələdən həlak olanların, yaralananların, zərər çəkənlərin hər birinin ağrısını özününkü hesab edən Azərbaycan vətəndaşları faciə zamanı Türkiyəyə göstərdikləri həmrəylik və dostluqla sübut etdilər ki, Azərbaycan - Türkiyə birliyi əbədidir, yenilməzdir, hər bir qüvvəyə qalib gəlməyə, çətinlikləri məharətlə dəf etməyə qadirdir.

Bu birlik, qardaşlıq sözsüz hər iki dövləti daha da ucaldacaq, inkişaf etdirəcək, sözünü deyən, dünyaya örnək olan bir qüvvəyə çevirəcəkdir.

Tahir Rzayev

Milli Məclisin Aqrar siyasət komitəsinin sədri

Paylaş:

Baxılıb: 524 dəfə