Azərbaycan gəncliyi İlham Əliyevi dəstəkləyəcək

Bakı:

23 °C

58 %

7 m/s

Əlaqə

AZ RU EN

Ana səhifə / Xəbər lenti / Azərbaycan gəncliyi İlham Əliyevi dəstəkləyəcək

Azərbaycan gəncliyi İlham Əliyevi dəstəkləyəcək

18.01.2024 [16:59]

Azərbaycan Respublikasının Prezidenti cənab İlham Əliyevin Sərəncamı ilə bu il fevralın 7-də növbədənkənar prezident seçkiləri keçiriləcək.

Qürurverici amil ondan ibarətdir ki, bu seçkilər Azərbaycan Respublikası Silahlı Qüvvələrinin Müzəffər Ali Baş Komandanı cənab İlham Əliyevin rəhbərliyi altında diplomatiya, hərbi quruculuq sahəsində həyata keçirilən uğurlu siyasətin nəticəsi olaraq əldə olunan və tariximizdə əbədi qalacaq şanlı Zəfər qələbəsi, bunun ardınca 20 sentyabr 2023-cü il tarixdə aparılmış lokal xarakterli anti-terror əməliyyatı ilə ölkəmizin suverenliyinin və ərazi bütövlüyünün tam bərpa edilməsindən sonra ilk dəfə olaraq bütöv Azərbaycanı əhatə edəcək.

Ümummilli liderimiz Heydər Əliyevin ölkəmizin sosial-iqtisadi sahədə gələcək inkişafına dair müəyyən etdiyi strategiyanı müasir çağırışlar nəzərə alınmaqla uğurla həyata keçirən Azərbaycan Respublikasının Prezidenti möhtərəm İlham Əliyevin müdrik rəhbərliyi, aparılan ardıcıl və məqsədyönlü islahatların yekunu olaraq, respublikamız qloballaşmanın bütün dünyada geniş vüsət aldığı müasir dövrdə iqtisadiyyatın bütün sahələri üzrə dinamik inkişafı təmin olunmuş, xüsusən də enerji sektorunun güclənməsi ilə beynəlxalq miqyasda ölkəmiz fəal iştirakçıya çevrilərək, aparıcı dövlətlər sırasına yüksəlib.

Prezident seçkiləri ilə bağlı Yeni Azərbaycan Partiyası tərəfindən aparılan genişmiqyaslı təşviqat kampaniyasına qoşulanlar arasında olmaq Yeni Azərbaycan Partiyasının gənc üzvü kimi çox şərəfli və qürurvericidir. Bu gün Vətəni və dövlətini sevən hər bir gənc məsuliyyətli olduğu qədər də şərəfli olan bu işdə öz dəstəyini layiqincə nümayiş etdirməli, seçkilərdə xüsusi fəallıq göstərək möhtərəm Prezidentimiz İlham Əliyevə səs verməlidir.

Ulu öndər Heydər Əliyev tərəfindən müəyyən edilən və Azərbaycan Respublikasının Prezidenti cənab İlham Əliyevin uğurla davam etdirdiyi gənclər siyasətinin məqsədi ölkəmizin gələcək inkişafında gənclərə xüsusi önəm verilməsi, onların dövlət idarəçiliyində fəal iştirakının təmin olunması strategiyası dayanır ki, bu da biz gənclərə gələcəyə daha nikbin baxmaqla hər bir gəncin öz potensialını reallaşdırmaq ümidini artırır.

Məhz bu səbəbdən əminik ki, möhtərəm Prezidentimiz cənab İlham Əliyev 2024-cü il fevralın 7 də keçiriləcək prezident seçkilərində milli iradənin ifadəsi olaraq parlaq və inamlı qələbə qazandıqdan sonra da şərəfli və ali dövləti fəaliyyətini uğurla davam etdirməklə ölkəmizin sosial-iqtisadi inkişafı ilə bağlı aparılan islahatların həyata keçirilməsində gənclərin fəal iştirakı təmin olunacaqdır. Azərbaycan gəncliyi hər zaman olduğu kimi bundan sonra da cənab Prezidentin ətrafında sıx birləşərək onun siyasətini daima dəstəkləyəcək, dövlətçilik məfkurəsini rəhbər tutaraq bütün imkanlarını ölkəmizin tərəqqisi və inkişafı istiqamətində öz layiqli xidmətini göstərəcək.

Elmin Tarverdiyev

“Yeni Azərbaycan” qəzetinin hüquqşünası

Paylaş:

Baxılıb: 617 dəfə