Şəmkir rayonunda “ 8 Noyabr - Zəfər Günü ”nə həsr olunmuş elmi-praktiki konfrans keçirildi

Bakı:

12°C

100%

2m/s

Əlaqə

AZ RU EN

Ana səhifə / Arxiv / Şəmkir rayonunda “ 8 Noyabr - Zəfər Günü ”nə həsr olunmuş elmi-praktiki konfrans keçirildi

Şəmkir rayonunda “ 8 Noyabr - Zəfər Günü ”nə həsr olunmuş elmi-praktiki konfrans keçirildi

08.11.2025 [09:46]

Şəmkir rayonunda “ 8 Noyabr - Zəfər Günü ”nə həsr olunmuş elmi-praktiki konfrans keçirildi.

Şəmkir Rayon İcra Hakimiyyətinin başçısı Rəşad Tağıyev, Yeni Azərbaycan Partiyası Şəmkir rayon təşkilatının sədri Fəxrəddin Vəliyev, rayonun hüquq mühafizə orqanlarının rəhbərləri əvvəlcə Ulu Öndər Heydər Əliyevin abidəsini və Şəhidlər Memorial Abidə Kompleksini ziyarət edib, önünə gül dəstləri düzdülər.

YAP Şəmkir rayon təşkilatının və Şəmkir Regional Mədəniyyət İdarəsinin birgə təşkilatçılığı ilə Heydər Əliyev Mərkəzində keçirilən elmi-praktiki konfrans Dövlət himnimizin səslənməsi ilə açıq elan elan olundu, Ulu Öndər Heydər Əliyevin və Vətən uğrunda canından keçən qəhrəman oğul və qızlarımızın xatirəsi bir dəqiqəlik sükutla yad edildi.

Açılış nitqi ilə çıxış edən Şəmkir Rayon İcra Hakimiyyətinin başçısı Rəşad Tağıyev 8 Noyabr - Zəfər Günü münasibətilə şəmkirliləri səmimi qəlbdən təbrik edərək Azərbaycan tarixinə qızıl hərflərlə yazılmış Şanlı Azərbaycan ordusunun qazandığı Zəfər tarixindən danışdı. Qəhrəman hərbçilərimizin şücaəti, rəşadəti hesabına, şəhidlərimizin qanı-canı bahasına bütün dünya Azərbaycanın şanlı qələbəsinin şahidi oldu. Azərbaycan Ordusu öz qəhrəmanlığı və peşəkarlığı ilə təkcə Ermənistanın silahlı qüvvələrini məhv etməyib, o, Erməni mifini də məhv etdi. Cəmi 44 gün ərzində Ermənistan ordusu, hərbi texnikası, canlı qüvvəsi məhv edildi və Azərbaycan öz gücünü, öz qüdrətini göstərdi.

Rəşad Tağıyev çıxışında Ümummilli Lider Heydər Əliyevin müstəsna xidmətləri sayəsində formalaşan və inkişaf yoluna qədəm qoyan Azərbaycan Silahlı Qüvvələri bu gün Müzəffər Ali Baş Komandan İlham Əliyevin rəhbərliyi altında öz xalqına qələbəni bəxş etmiş müzəffər Orduya çevrildiyini xüsusi vurğuladı: “44 günlük müharibənin əsas qəhrəmanlarından olan gənclərimiz, gənc hərbçilərimiz fədakarlıq və qəhrəmanlıqları ilə tarix yazdılar. Yaralanan əsgərin yarası hər bir azərbaycanlının yarasıdır. Hər bir şəhid xalqın unudulmaz qəhrəmanıdır”.

2023-cü ildə keçirilən antiterror əməliyyatları haqda da danışan icra başçısı bildirdi ki, 20 il bundan əvvəl Prezident seçilmiş İlham Əliyev doğma xalqına müraciət edərək söz vermişdir ki, Azərbaycan xalqının və Azərbaycan dövlətinin milli maraqlarını müdafiə edəcək və Azərbaycanın ərazi bütövlüyünü qoruyacaq: “15 oktyabr 2023-cü ildə Azərbaycan Respublikasının Prezidenti, Azərbaycan Silahlı Qüvvələrinin Müzəffər Ali Baş Komandanı cənab İlham Əliyev Xankəndi şəhərinin mərkəzi meydanında Azərbaycan Bayrağını qaldırdı və ölkəmizin suverenliyini tam bərpa etmiş oldu”.

YAP Şəmkir rayon təşkilatının sədri Fəxrəddin Vəliyev çıxış edərək bildirdi ki, Azərbaycan Silahlı Qüvvələri 44 gün ərzində düşmən ordusunu məhv edərək öz ərazi bütövlüyünü bərpa etdi. Müzəffər Ali Baş Komandan İlham Əliyevin rəhbərliyi ilə düşməni torpaqlarımızdan qovduq və ədaləti, beynəlxalq hüququ bərpa etdik. Bu gün Azərbaycan dövləti qalib dövlət kimi yaşayır. Biz bundan sonra müzəffər xalq və qalib dövlət kimi əbədi yaşayacağıq.

Vətən müharibəsi iştirakçısı, Zəyəm qəsəbə tam orta ümumtəhsil məktəbinin müəllimi Hüseyn Şamilli isə çıxışında Vətən müharibəsində Ordumuzun, Şəmkir gənclərinin göstərdiyi qəhrəmanlıqdan danışdı. Bildirdi ki, Müharibə dövründə Prezident İlham Əliyev tərəfindən səsləndirilən nitqlər öz ordumuza əlavə güc verirdi: “Dövlət başçımızın gələcəyə ümid dolu sözləri insanları itkilər qarşısında sönməməyə, əksinə qürurla durmağa ruhlandırdı. Vətəndaşlar müharibə dövründə Prezidentin simasında artıq ölkəni idarə edən rəsmi şəxslə bərabər, doğma insan, xalqının yenilməz övladını görürdülər”.

Tədbirin sonunda Şəmkir Regional Mədəniyyət İdarəsinin kollektivi tərəfindən hazırlanmış rəngarəng konsert proqramı ilə davam etdirilib.

Paylaş:

Baxılıb: 67 dəfə