Prezident İlham Əliyev Bakı-Quba-Rusiya Federasiyası dövlət sərhədi avtomobil yolunun 16-134-cü kilometrinin açılışında iştirak edib

Bakı:

17°C

77%

6m/s

AZ RU EN

Ana səhifə / Gündəm / Prezident İlham Əliyev Bakı-Quba-Rusiya Federasiyası dövlət sərhədi avtomobil yolunun 16-134-cü kilometrinin açılışında iştirak edib

Prezident İlham Əliyev Bakı-Quba-Rusiya Federasiyası dövlət sərhədi avtomobil yolunun 16-134-cü kilometrinin açılışında iştirak edib

19.09.2009 [14:08]

Dünən Prezident İlham Əliyev Bakı-Quba-Rusiya dövlət sərhədi avtomobil yolunun 16-134-cü kilometrinin açılışında iştirak edib.
Yolun yenidən qurulmasına “Akkord” şirkətlər qrupu 2008-ci ilin mayında başlayıb. ötən ilin avqustunda Bakı-Quba-Rusiya Federasiyası dövlət sərhədi avtomobil yoluna daxil olan Bakı-Sumqayıt yolu, bu ilin fevralında isə yolun 11-ci kilometrində tunel tipli yolütörücüsü və 16-cı kilometrində körpü tipli yolötürücüsü dövlətimizin başçısının iştirakı ilə istifadəyə verilib.
Bakı-Quba-Rusiya Federasiyası dövlət sərhədi avtomobil yolunun 16-134-cü kilometri beton örtük tikilməklə yenidən qurulub. ötən dövrdə 118 kilometrlik yola 28-30 santimetr qalınlığında beton döşənib, yolla kəsişən kommunikasiya xətləri dəyişdirilib, suötürücü qurğular, körpü və keçidlərin tikintisi layihə üzrə həyata keçirilib.
ümumilikdə, 14,1 milyon kubmetr torpaq, 2,1 milyon kubmetr beton işləri görülüb. Burada 20 körpü, 9 heyvan keçidi olacaq. Hərəkətin intensivliyindən asılı olaraq yol 2, 3, 4 və 6 zolaqlıdır.
Dövlətimizin başçısı yolun açılışını bildirən lenti kəsib.
İnşaatçıları salamlayan Prezident İlham Əliyev onları təbrik edərək deyib: “Yeni yolun istifadəyə verilməsi münasibətilə sizi təbrik edirəm. Gördüyünüz işlərə görə sizə minnətdaram. Bu yol tikintisi hələ Rusiya sərhədinə qədər davam edəcəkdir. Əminəm ki, yaxın zamanlarda biz bu yolun tam istifadəyə verilməsinı qeyd edəcəyik. Sizə yeni uğurlar arzulayıram. Sağ olun”.
Hazırda yolun Dəvəçi şəhəri ərazisindən keçən hissəsində - Dəvəçi çayı üzərində uzunluğu 544 metr, eni 23 metr, hündürlüyü 21 metr olan körpünün tikintisi sürətlə davam etdirilir.
Prezident İlham Əliyev körpüdə aparılan tamamlama işləri ilə də tanış olub.
Bildirilib ki, Azərbaycanda tikilən 16 aşırımlı bu ən uzun və ən hündür körpünün tikintisi üzrə işlərin əsas hissəsi müvəffəqiyyətlə həyata keçirilib. Körpünün hər bir dayağının altında müvafiq olaraq 22 metr dərinliyində 30 svay vurulub. Körpünün quraşdırılmasında 33 metr uzunluğunda beton atmalardan istifadə edilib. Körpü 8-9 ballıq antiseysmik sistemlərlə hesablanıb. Gələcəkdə baş verə biləcək sel və daşqın sularının tənzimlənməsi üçün burada dəmir-beton istinad divarları sistemi nəzərdə tutulub.
Prezident İlham Əliyev körpüdə işlərin vaxtında və keyfiyyətlə başa çatdırılması ilə bağlı tapşırıq və tövsiyələrini verib.

Paylaş:

Baxılıb: 1195 dəfə