Heydər Əliyev
yeni azerbaycan logo

Ana səhifə / İdman / “Bakı-2015”in çempion iştirakçıları”

“Bakı-2015”in çempion iştirakçıları”

03.06.2015 [09:09]

Bir neçə gündən sonra ölkəmizdə keçiriləcək “Bakı-2015” ilk Avropa Oyunları Azərbaycanın və Avropanın idman tarixində mühüm hadisə olacaq. 12-28 iyun tarixləri arasında baş tutacaq Oyunlarda 49 ölkədən 6000-dən çox idmançının yarışacağı gözlənilir. Oyunların proqramına 28 yay olimpiya idman növündən 15-i, həmçinin, 2 qeyri-olimpiya idman növü daxildir. Oyunlarda iştirak edən idmançıların siyahısına nəzər saldıqda görünür ki, ilk Avropa Oyunları “qoca qitə” üçün xüsusi əhəmiyyət kəsb edir. Çünki burada dünya, Avropa və Olimpiya çempionları iştirak edəcəklər.
Xəbər verdiyimiz kimi, “Yeni Azərbaycan” qəzeti olaraq oxucuları ilk Avropa Oyunlarında iştirak edəcək dünyaca məşhur idmançıların bir qismi ilə tanış edəcəyik. Beləliklə, “Bakı-2015”in çempion iştirakçıları” rubrikamızı davam etdiririk.
“Bakı-2015” ilk Avropa Oyunlarında iştirak edəcək idmançılardan biri də türkiyəli sərbəst güləşçi Taha Akgüldür. O, sərbəst güləş üzrə 120 kq çəki dərəcəsində həm Avropa, həm də dünya çempionudur. Peşəkar karyerasında çoxsaylı nailiyyətlər qazanan Taha Akgül qitə üzrə ilk uğurunu 2012-ci ildə Serbiyada keçirilən güləş üzrə Avropa Çempionatında əldə edib. 2014-cü ildə Daşkənddə keçirilən güləş üzrə Dünya Çempionatında isə qızıl medal əldə edərək ən yüksək fəxri kürsüdə yer alıb.
Əslən İrlandiyanın Viklou şəhərindən olan Keyti Teylor isə qadınlararası boks üzrə tarixin ən çox təltif olunmuş idmançısıdır və yarışdığı çəkidən asılı olmayaraq dünyada ən güclü qadın boksçusudur. Keyti 2012-ci ildə Londonda keçirilən Olimpiya Oyunlarında birinci yeri qazanıb və hazırda 60 kq çəki üzrə İrlandiya və dünya çempionudur. O, Olimpiya medalı, 5 dəfə ardıcıl dünya çempionu, 6 dəfə ardıcıl Avropa çempionu və 5 dəfə Avropa Birliyi Çempionatı da daxil olmaqla, indiyədək yarışlarda 17 qızıl medal qazanıb.

Paylaş:
Baxılıb: 880 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30