Viktor Savinik: Bakı şəhərinin bu cür sürətli inkişafı insanı heyrətləndirir

Bakı:

23 °C

60 %

5 m/s

Əlaqə

AZ RU EN

Ana səhifə / Müsahibə / Viktor Savinik: Bakı şəhərinin bu cür sürətli inkişafı insanı heyrətləndirir

Viktor Savinik: Bakı şəhərinin bu cür sürətli inkişafı insanı heyrətləndirir

05.10.2012 [03:42]

Bakı şəhərinin gözəlliyinə heyran olmuş Rusiya Kosmonavtika Universitetinin professoru Viktor Savinik “Yeni Azərbaycan” qəzetinə müsahibəsində təxminən 30 ildir ki, Bakıda olmadığını deyib: “Lakin əvvəllər kosmik uçuşlarımızla əlqədar olaraq, Xəzər dənizi üzərindən keçirdik və burada tez-tez olurduq. Məsələn, indi harada dayandığımı və əvvəllər buranın necə göründüyünü demək mənim üçün çətindir. Ola bilsin burda heç nə yox idi və ya var idi, yaxud da kiçik tikililər olub. İndi isə burada çox müasir və maraqlı arxitekturası olan Heydər Əliyev Mərkəzi yerləşir. Əlbəttə, Bakı şəhərinin bu cür sürətli inkişafı insanı heyrətləndirir”.
II Bakı Beynəlxalq Humanitar Forumunun dövlətlərarası münasibətlərin inkişafında mühüm əhəmiyyət kəsb etdiyini dilə gətirən professor həmçinin, Prezident İlham Əliyevin çıxışının möhtəşəm olduğunu vurğulayıb: “Prezident İlham Əliyev bilir nədən danışır, o problemi çox gözəl açır və həlli yollarını göstərir. Başqaları çıxışını yazır və oxuyur. Amma Prezident İlham Əliyev mövzudan xəbərdardır, açıq-aydın humanitar hərəkatın lideri kimi çıxış edir. Buna görə, Ona şəxsən təşəkkür etmək istəyirəm”.
II Bakı Beynəlxalq Humanitar Forumunun perspektiv təsirləri haqqında da danışan Viktor Savinik qeyd edib ki, belə humanitar forumlar xalqlara ciddi problemlərdən çıxış yolunu göstərməlidir: “Lakin təəssüflə qeyd etmək istəyirəm ki, çıxış yolu heç də həmişə olmur. Prezident İlham Əliyev hər şeyi gözəl dedi. Kimin bu məsələləri necə dərk edəcəyi və ya işlək mexanizmə çevirəcəyini demək isə çox çətindir. Lakin hesab edirəm ki, nəticə müsbət olacaq”.
Azərbaycan-Rusiya münasibətlərinə də toxunan qonaq deyib ki, Forum hər iki ölkənin başçısının təşəbbüsü ilə keçirilir: “Yəni hər iki ölkə aparıcıdır. Əvvəl Forumun keçirilməsi yalnız bu təşəbbüskar iki ölkə arasında - ilk Forum Azərbaycan-Rusiya, ikincisi daha qlobal hal aldı - nəzərdə tutulurdusa, indi Forumda təqribən 70-80 ölkə təmsilçiləri iştirak edir. Hətta, burada bir çox ölkələrin sabiq prezidentləri, Nobel mukafatçıları da iştirak edir. Bir sözlə, Forum yüksək səviyyədə təşkil edilib və əhəmiyyəti baxımdan dəyərləndirilməlidir”.
Ermənistan-Azərbaycan, Dağlıq Qarabağ münaqişəsi ilə bağlı fikirlərini də diqqətə çatdıran prfessor deyib ki, o, məsələnin sülh yolu ilə həllinin tərəfdarıdır: “Biz dəfələrlə Qafqaz regionu üzərindən kosmik uçuşlar həyata keçirmişik. Hər dəfə də bu bölgəni bütöv görmüşük. Ona görə də, hansısa dövlətlərin müharibə etməsini müsbət qarşılamırıq. Mən regionda sülh və sabitliyi dəstəkləyirəm”.

Paylaş:

Baxılıb: 1212 dəfə