Azərbaycanın yaratdığı yeni reallıqlar həm ölkəmiz, həm də region üçün mühüm əhəmiyyətə malikdir

Bakı:

23 °C

47 %

4 m/s

AZ RU EN

Ana səhifə / Müsahibə / Azərbaycanın yaratdığı yeni reallıqlar həm ölkəmiz, həm də region üçün mühüm əhəmiyyətə malikdir

Azərbaycanın yaratdığı yeni reallıqlar həm ölkəmiz, həm də region üçün mühüm əhəmiyyətə malikdir

04.02.2021 [09:07]

Müsahibimiz Azərbaycan Naminə Alyans Partiyasının sədri Abutalıb Səmədovdur:
- Abutalıb müəllim, məlum olduğu kimi, 44 günlük Vətən müharibəsində tarixi qələbə qazanan Azərbaycan regionda yeni reallıqlar yaradıb. Ümumiyyətlə, hazırkı mərhələdə atılan addımları və görülən işləri, eləcə də 2021-ci ilin ilk ayında baş verən siyasi prosesləri necə qiymətləndirirsiniz?
- Vətən müharibəsində Ali Baş Komandanımız İlham Əliyevin rəhbərliyi ilə möhtəşəm qələbə qazanan Azərbaycanın yaratdığı yeni reallıqlar həm ölkəmiz, həm də region üçün mühüm əhəmiyyətə malikdir. Artıq işğaldan azad edilmiş torpaqlarımızda bərpa, quruculuq işlərinə başlanılıb. Bununla yanaşı, regionda yeni əməkdaşlıq və təhlükəsizlik mühiti formalaşmaqdadır.
Digər tərəfdən, 2021-ci ilin ilk ayında baş verən siyasi prosesləri dəyərləndirərkən iki mühüm hadisənin üzərində, xüsusi ilə dayanmaq istəyirəm. Birincisi, Azərbaycan Prezidentinin Moskva səfəri və üçtərəfli bəyanatın imzalanmasıdır. Bu, Azərbaycanın hərbi qələbəsinin siyasi-diplomatik yollarla möhkəmlənməsi baxımından mühüm əhəmiyyət daşıyır. Təbii ki, yeni reallıq regionu sülh, əməkdaşlıq mərkəzinə çevirmək imkanlarına malikdir. Şübhəsiz, bu istiqamətdə qısa zaman ərzində ciddi işlər görüləcək və Azərbaycanın əsas hisəsi ilə Naxçıvan Muxtar Respublikasını birləşdirən dəhliz fəaliyyətə başlayacaq.
İkinci mühüm hadisə yanvarın 21-də Aşqabadda “Azərbaycan Respublikası Hökuməti ilə Türkmənistan Hökuməti arasında Xəzər dənizində “Dostluq” yatağının karbohidrogen resurslarının birgə kəşfiyyatı, işlənməsi və mənimsənilməsi haqqında Anlaşma Memorandumu” imzalanması oldu. Bu tarixi hadisə Azərbaycanın neft-qaz sənayesində yeni mərhələnin başlanğıcı kimi qiymətləndirilməlidir. Belə ki, imzalanmış sənəd Xəzərin karbohidrogen resurslarının mənimsənilməsində yeni mərhələnin başlanğıcıdır. İxrac üçün də imkanlar açan bu layihə ölkələrimizin, habelə qonşularımızın enerji təhlükəsizliyinin möhkəmlənməsinə, xalqlarımızın rifahının yüksəlməsinə şərait yaradacaq.
- Məlum olduğu kimi, Azərbaycan Prezidenti İlham Əliyev Müzəffər Ordunun Ali Baş Komandanı kimi Şuşa şəhərinə tarixi səfər etdi. Dövlət başçısının Şuşaya səfərinin əhəmiyyəti barədə nə deyə bilərsiniz?
- Dövlət başçısının Şuşaya səfəri hamımızı qürurlandırdı. Səfər zamanı Füzuli-Şuşa yolunun və Füzuli Beynəlxalq Hava Limanının təməli qoyuldu. Füzuli-Şuşa dördzolaqlı və bəzi yerlərdə altızolaqlı yeni avtomobil yolunun təməlinin atılması işğaldan azad edilən ərazilərdə nəqliyyat-kommunikasiya infrastrukturunun formalaşdırılması üçün strateji əhəmiyyətlidir. Artıq inşasına başlanılan hava limanının uçuş-enmə zolağının 2021-ci ildə istifadəyə verilməsinin planlaşdırılması da yeni imkanlar açacaq.
Ən əsası odur ki, bərpa və yenidənqurma üzrə bütün lazımi işlərə start verilib. Artıq “Böyük qayıdış” başlayır. Əminik ki, işğaldan azad edilmiş ərazilərimiz qısa müddət ərzində bərpa olunacaq, tarixi torpaqlarımız cənnətə çevriləcək.
- Abutalıb müəllim, ölkə daxilindəki və xaricdəki bəzi ünsürlər Azərbaycanın tarixi qələbəsinə kölgə salmağa çalışır, sosial şəbəkələrdə “qara piar” kampaniyası aparırlar...
- Azərbaycan möhtəşəm tarixi qələbə əldə edib. Belə ki, 30 ildən çox işğal altında qalan torpaqlarımız 44 gün ərzində Ali Baş Komandan İlham Əliyevin rəhbərliyi ilə şanlı Ordumuz tərəfindən azad edilib. Çox təəssüf ki, bu tarixi qələbəmizin əhəmiyyətini azaltmağa çalışanlar da var. Həmin şəxslər gündəmdə qalmaq üçün bəsit “arqument”lərlə Azərbaycanın möhtəşəm zəfərinə kölgə salmağa çalışırlar. Bütün bunlar yolverilməzdir. Unutmamalıyıq ki, Azərbaycan xalqının çoxəsrlik dövlətçilik tarixinin şanlı qəhrəmanlıq salnaməsi yazılıb və bu möhtəşəm zəfəri gözdən salmağa heç kimin haqqı yoxdur.
Qaşqay

Paylaş:

Baxılıb: 1139 dəfə