Heydər Əliyev
yeni azerbaycan logo

Ana səhifə / Siyasət / Azərbaycan, Türkiyə və Gürcüstan arasında əlaqələr sürətlə inkişaf edir

Azərbaycan, Türkiyə və Gürcüstan arasında əlaqələr sürətlə inkişaf edir

23.04.2014 [09:31]

Aprelin 22-də Milli Məclisin sədri Oqtay Əsədov Azərbaycanda səfərdə olan Gürcüstan və Türkiyə parlamentlərinin xarici əlaqələr komitələrinin nümayəndə heyətləri ilə görüşüb.
AzərTAc xəbər verir ki, görüşdə Oqtay Əsədov bu səfərin yeni bir ənənənin başlanğıcı olduğunu bildirib. O, nümayəndə heyətinin ölkəmizdə olduğu müddətdə keçirdiyi görüşlərin gələcək əməkdaşlıq üçün baza yaradacağını vurğulayıb. Dərin tarixi köklərə söykənən əlaqələrdən danışan sədr deyib ki, dövlət başçılarının iradəsi ilə üç qardaş ölkə arasında əlaqələr sürətlə inkişaf edir. Siyasətin hər zaman iqtisadiyyatla bağlı olduğunu deyən Oqtay Əsədov ölkələr arasında inkişaf edən iqtisadi əlaqələri xüsusi qeyd edib.
Türkiyə Böyük Millət Məclisinin xarici əlaqələr komitəsinin sədri Volkan Bozkır Azərbaycanın təkcə regionda deyil, dünyada nüfuzunun artmasının çox sevindirici hal olduğunu qeyd edib. O, ərazisinin 20 faizinin işğal altında olmasına baxmayaraq, Azərbaycanın çox böyük nailiyyətlər qazandığını vurğulayıb.
Gürcüstan parlamentinin xarici əlaqələr komitəsinin sədri Tedo Caparidze bildirib ki, Azərbaycan, Gürcüstan və Türkiyə mehriban dostlar, qonşulardır və bu, hər zaman belə davam edəcək. T.Caparidze bu görüşlərin davamlı olacağını və əməkdaşlığın daha da genişləndirilməsinə töhfə verəcəyini deyib.
Görüşdə qarşılıqlı maraq doğuran məsələlər ətrafında fikir mübadiləsi aparılıb.

Paylaş:
Baxılıb: 766 dəfə

Xəbər lenti

Hamısına bax

Mədəniyyət

Dünya

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31