Heydər Əliyev
yeni azerbaycan logo

Ana səhifə / Siyasət / Xarici İşlər Nazirliyinin mətbuat xidmətinin məlumatı

Xarici İşlər Nazirliyinin mətbuat xidmətinin məlumatı

03.10.2014 [09:30]

Azərbaycan Respublikasının Fransadakı səfirliyi tərəfindən Fransa Milli Assambleyasının üzvü Fransua Roşeblounun ölkəmizin işğal olunmuş ərazilərinə səfəri və sentyabrın 23-dən 26-dək Parisdə keçirilmiş beynəlxalq turizm sərgisində Ermənistana aid pavilyonda qondarma Dağlıq Qarabağ rejiminin də təmsil olunması ilə əlaqədar Fransanın Xarici İşlər Nazirliyinə, Fransa Milli Assambleyasına və turizm sərgisinin təşkilatçısı olan şirkətə müvafiq olaraq etiraz notası və məktubları göndərilib.
Fransa Prezidenti Fransua Ollandın təşəbbüsü ilə Fransada Azərbaycan və Ermənistan prezidentlərinin görüşünün keçirilməsi ərəfəsində Ermənistan, Fransadakı erməni diasporu və onun bilavasitə təsiri altında olan Fransua Roşebloun kimi şəxslər tərəfindən məqsədyönlü şəkildə belə qeyri-qanuni əməllərə yol verilməsi, ilk növbədə, Fransaya qarşı törədilmiş təxribatçılıq cəhdidir.
Ermənistan və Fransadakı erməni diasporunun təsiri altında olan, şovinist və irqçi baxışları ilə tanınan Fransua Roşeblounun Azərbaycan Respublikasının işğal olunmuş ərazilərində Ermənistan tərəfindən yaradılmış qondarma rejim ilə qurduğu təmaslar separatizm, etnik təmizləmə, insanlığa qarşı cinayətlər, işğal və təcavüzün təşviqinə rəvac verməkdə bilavasitə rol oynayır.

Paylaş:
Baxılıb: 605 dəfə

Xəbər lenti

Hamısına bax

YAP xəbərləri

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31