May ayına qədər İtaliya hökuməti TAP layihəsi barəsində son qərarını açıqlayacaq
16.04.2015 [10:20]
İtaliya Respublikasının iqtisadi inkişaf naziri Federika Quidi AZƏRTAC-a məxsusi müsahibə verib. Müsahibəni təqdim edirik:
- Xanım nazir, Azərbaycana səfərinizin əsas məqsədi nədən ibarətdir?
- İlk olaraq qeyd etmək istərdim ki, Azərbaycanla əlaqələrimiz yüksək səviyyədədir. Təbii ki, qarşılıqlı səfərlər əlaqələrimizin daha da inkişafına təkan verir. Ölkələrimiz bir çox sahələrdə birgə maraqları paylaşır. Azərbaycan iqtisadiyyatı yüksək sürətlə inkişaf edir. Biz Azərbaycan ilə İtaliya arasında strateji sahə olan neft və qaz sahəsində əməkdaşlığı gücləndirməyə çalışırıq, bu əlaqələrin inkişafı üçün hərtərəfli imkanlar mövcuddur. İtaliya Azərbaycanla digər sahələrdə də əməkdaşlığı genişləndirməkdə maraqlıdır. Bilirsiniz ki, İtaliya texnologiya sahəsində böyük təcrübəyə malikdir. Biz Azərbaycanın İtaliya sənayesinə təklif edə biləcəyi imkanları da dəyərləndirməyə hazırıq. Ümidvaram ki, əməkdaşlığımız gələcəkdə yeni istiqamətlər üzrə daha da genişlənəcək.
- Azərbaycan ilə İtaliya arasında enerji sahəsindəki əməkdaşlığın perspektivləri ilə bağlı sizin fikrinizi bilmək maraqlı olardı. Hazırda TAP layihəsinin gerçəkləşməsi üçün İtaliya hansı addımları atır?
- Azərbaycan ilə İtaliya enerji sahəsində uğurla əməkdaşlıq edir. Enerji sahəsində əməkdaşlıqdan danışarkən mən ilk növbədə “Trans-Adriatik” (TAP) boru kəməri layihəsini qeyd etməliyəm. Layihə ilə bağlı rəsmi olaraq bildirirəm ki, biz dəyərləndirmənin son mərhələsindəyik. May ayına qədər İtaliya hökuməti TAP layihəsi barəsində son qərarını açıqlayacaq. Bu bizim üçün olduqca əhəmiyyətli və strateji layihədir. Enerji məsələləri İtaliya və bütünlükdə Avropanın gündəliyində olan ən vacib sahələrdən biridir. Əməkdaşlığımızın yeni mərhələyə qədəm qoyması, enerji təhlükəsizliyinin təmin olunması baxımından bu layihə ölkələrimiz üçün çox vacibdir. Təbii ki, TAP layihəsi enerji şaxələndirilməsi üzrə planlarımızın önəmli hissələrindən biridir. Bu layihə İtaliyanın və digər ölkələrin enerji resurslarına tələbatının ödənilməsi istiqamətində töhfələrini verəcək. Marşrutların təmini baxımından da bu layihənin əhəmiyyətini qeyd etmək istəyirəm.
- İtaliyanın “Maire Tecnimont S.p.A.” Mühəndislik Şirkətlər Qrupu ilə “SOCAR Polymer” MMC arasında imzalanan əməkdaşlıq müqaviləsini necə dəyərləndirirsiniz?
- İlk olaraq bu müqavilənin İtaliyanın böyük şirkətləri ilə Azərbaycan arasında inkişaf edən əməkdaşlığa böyük nümunə olduğunu qeyd etmək istəyirəm. Bu, İtaliya şirkətləri üçün Azərbaycanda yeni strateji məhsulların istehsalı ilə bağlı zavodların qurulmasına əlverişli şərait yaradır. Biz əlaqələrimizi bütün istiqamətlərdə, xüsusilə ticari-iqtisadi sahədə daha da inkişaf etdirməkdə maraqlıyıq. Biz, həmçinin İtaliya şirkətlərinin Azərbaycandan olan həmkarları ilə uzun müddətli əməkdaşlığın həyata keçirilməsi üçün töhfələrimizi verməyə çalışırıq. Ölkənizdə iş adamlarının fəaliyyəti üçün əlverişli şərait yaradılıb. Bu addımlar əməkdaşlığın yeni müstəvidə inkişaf etməsinə təkan verəcək.
- Ölkələrimiz arasındakı ticarət dövriyyəsi hansı səviyyədədir? Ticarət dövriyyəsinin həcmi sizi qane edirmi?
- Azərbaycan ilə İtaliya arasındakı idxalın əsasını neft təşkil edir. Gələcəkdə əlbəttə ki, qaz sahəsində idxala üstünlük verəcəyik. İtaliyadan Azərbaycana məhsulları ixrac etməklə biz gələcəkdə bu əməkdaşlığı daha da genişləndirməyə və yeni imkanlar axtarmağa çalışacağıq. İtalyan Müəssisələrinin Təşviqi və Beynəlmiləlləşdirilməsi Təşkilatı hökumət tərəfindən şirkətlərə müvafiq tədbirlər görmək üçün yaradılan mexanizmdir. Biz dünyada yaxşı bir iş mexanizmi yaratmışıq. Bu qurum şirkətlərə lazım ola biləcək ən vacib alətlərdən biridir. İnanıram ki, bu əməkdaşlıq gələcəkdə daha da inkişaf edəcək.
Xəbər lenti
Hamısına bax
Dünya
15 May 23:17
Sosial
15 May 22:40
Mədəniyyət
15 May 22:31
Dünya
15 May 22:18
Elm
15 May 21:56
Sosial
15 May 21:23
Sosial
15 May 21:10
Dünya
15 May 20:45
İqtisadiyyat
15 May 20:32
Dünya
15 May 20:19
Sosial
15 May 19:53
Sosial
15 May 19:30
Dünya
15 May 19:17
Ədəbiyyat
15 May 18:55
Dünya
15 May 18:45
Sosial
15 May 18:10
Sosial
15 May 17:55
Dünya
15 May 17:34
Dünya
15 May 16:58
Dünya
15 May 16:26
Sosial
15 May 16:14
Sosial
15 May 16:04
Siyasət
15 May 16:03
Siyasət
15 May 16:02
Dünya
15 May 15:50
Gündəm
15 May 15:45
Siyasət
15 May 15:40
Mədəniyyət
15 May 15:39
Gündəm
15 May 15:38
Dünya
15 May 15:19
YAP xəbərləri
15 May 15:15
YAP xəbərləri
15 May 15:05
Dünya
15 May 14:46
Gündəm
15 May 14:30
Dünya
15 May 14:22
Elanlar
15 May 13:57
Sosial
15 May 13:55
Dünya
15 May 13:51
Dünya
15 May 13:47
Mədəniyyət
15 May 13:46
Xəbər lenti
15 May 13:42
Dünya
15 May 13:17
Gündəm
15 May 12:42
Sosial
15 May 12:41
Sosial
15 May 12:41
Sosial
15 May 12:27
Sosial
15 May 12:19
YAP xəbərləri
15 May 11:54
Gündəm
15 May 11:35
Gündəm
15 May 11:17
Siyasət
15 May 10:59
Sosial
15 May 10:49
İqtisadiyyat
15 May 10:48
Elm
15 May 10:48
Gündəm
15 May 10:30
İqtisadiyyat
15 May 10:16
Gündəm
15 May 09:54
Analitik
15 May 09:32
İqtisadiyyat
15 May 09:17
Dünya
15 May 08:42
Ədəbiyyat
15 May 08:33
Dünya
15 May 07:57
Dünya
15 May 07:54
Analitik
15 May 07:50
Sosial
15 May 07:50
Dünya
14 May 23:41
Dünya
14 May 23:12
Dünya
14 May 22:46
Dünya
14 May 22:30
Dünya
14 May 22:19
