Aydın Hüseynov: Birinci Avropa Oyunları təkcə Azərbaycan deyil, həm də dünya səviyyəsində möhtəşəm bir hadisədir

Bakı:

25 °C

63 %

5 m/s

AZ RU EN

Ana səhifə / Siyasət / Aydın Hüseynov: Birinci Avropa Oyunları təkcə Azərbaycan deyil, həm də dünya səviyyəsində möhtəşəm bir hadisədir

Aydın Hüseynov: Birinci Avropa Oyunları təkcə Azərbaycan deyil, həm də dünya səviyyəsində möhtəşəm bir hadisədir

20.05.2015 [09:52]

“Avropa Oyunları tarixdə ilk dəfə keçirildiyi üçün ona maraq çox böyükdür. Digər tərəfdən isə, hər hansı böyük yarışlar keçirilirsə, təbii ki, burada iqtisadi mənfəət də olur. Əgər belə olmasaydı, o zaman ölkələr Olimpiya Oyunlarının, müxtəlif tədbirlərin öz ölkələrində təşkil olunmasına bu qədər maraq göstərməzdilər. Azərbaycan kimi dünyanın digər aparıcı ölkələri də Avropa və Yay Olimpiya Oyunlarına, futbol çempionatlarına və sairə bu cür tədbirlərə ev sahibliyi etmək istəyirlər. Bu cür böyük tədbirlər üçün hansı ölkə ev sahibliyi etmək şansı qazanırsa, bu, həmin ölkələrin ən yüksək uğurlarından olur”. Bu fikirləri Yeni Azərbaycan Partiyası (YAP) Siyasi Şurasının üzvü, partiyanın Qaradağ rayon təşkilatının sədri Aydın Hüseynov deyib.
A.Hüseynov bildirib ki, Avropa Oyunları tarixdə ilk dəfə keçirildiyi üçün belə bir nümunə olmayıb. Onun sözlərinə görə, Azərbaycan artıq dünyaya yeni bir nümunə və standart təqdim edir.
“Birinci Avropa Oyunları təkcə Azərbaycanda deyil, həm də dünya səviyyəsində möhtəşəm bir hadisədir. Bu Oyunlar təkcə Azərbaycanın deyil, həm də Avropa ölkələrinin marağı çərçivəsindədir. Bu, Azərbaycanın dünyada artan imicinə müsbət təsir edəcək. Azərbaycan ilk Avropa Oyunlarına hazırlıq işini Oyunların başlamasına bir aya yaxın vaxt qalmış uğurla yekunlaşdırıb. Artıq bir çox ölkələr ilk Avropa Oyunlarında ən güclü heyətlə iştirak edəcəklərini bəyan ediblər. Həmin ölkələrin rəhbər şəxsləri də ilk Avropa Oyunlarının tarixi əhəmiyyətini və möhtəşəmliyini dəfələrlə bildiriblər. Təbii ki, bütün bunlar bizi çox sevindirir. Birinci Avropa Oyunlarının Bakıda keçirilməsindən narahat olan bəzi qruplar isə bizi istəməyən qüvvələrdir. Onlar elə başa düşürdülər ki, Azərbaycan bu yarışlara hazır ola bilməyəcək, Bakı bu yarışlara hazırlığı bitirə bilməyəcək. Çünki bu müddət az idi. Ancaq onlar gördülər ki, artıq Bakı ilk Avropa Oyunlarına tamamilə hazırdır, bu vaxt narahat olmağa başladılar. Ancaq ilk Avropa Oyunlarına qarşı həyata keçirilən müxtəlif kampaniyalar bizi yolumuzdan qətiyyən çəkindirə bilməz. Əgər kimsə birinci Avropa Oyunlarının timsalında idmana qarşı çıxırsa, deməli, onun ruhu sağlam deyil, o, xəstədir”, - deyə YAP Siyasi Şurasının üzvü vurğulayıb.

Paylaş:

Baxılıb: 668 dəfə