Həsən Şirinov: Bakının Atəşgah məbədindən alovlanan dostluq məşəli ilə Avropanı daim işıqlandıracağıq

Bakı:

26 °C

63 %

12 m/s

AZ RU EN

Ana səhifə / Siyasət / Həsən Şirinov: Bakının Atəşgah məbədindən alovlanan dostluq məşəli ilə Avropanı daim işıqlandıracağıq

Həsən Şirinov: Bakının Atəşgah məbədindən alovlanan dostluq məşəli ilə Avropanı daim işıqlandıracağıq

30.06.2015 [10:16]

Müsahibimiz Həsən Şirinovdur:
- Həsən müəllim, bir vətəndaş kimi Bakıda keçirilən birinci Avropa Oyunlarının yüksək səviyyədə başa çatması ilə əlaqədar düşüncələrinizi bilmək istərdik...
- Bu gün mən çox xoşbəxtəm! Böyük tarixi qələbə münasibəti ilə möhtərəm cənab Prezidenti, Mehriban xanım Əliyevanı və bütün Azərbaycan xalqını təbrik edirəm!
Kim nə deyir desin, bu, əslində, böyük bir siyasi mübarizə idi. Şükürlər olsun ki, biz qalib gəldik! Bəli, tarixə şanlı bir səhifə yazdıq! İdman aləmində yeni bir səhifə açdıq!.. Odlar yurdu Azərbaycandan, Bakının Atəşgah məbədindən alovlanan dostluq məşəli ilə Avropanı daim işıqlandıracağıq!
Azərbaycan Prezidenti cənab İlham Əliyevin dövlət siyasəti və idarəçilik təcrübəsinin və beynəlxalq aləmdəki şəxsi nüfuzunun sayəsində əldə edilən bu tarixi nailiyyəti heç bir qələbə, medalla müqayisə etmək olmaz!
Birinci Avropa Oyunlarının Bakıda baş tutmaması üçün son dərəcə can-fəşanlıq edən dünyadakı anti-Azərbaycan qüvvələrin səfərbər olaraq bizə qarşı birləşib “qara piar” aparmalarına baxmayaraq, əldə edilən sevindirici yüksək nailiyyətlər olmasaydı da belə, bu tarixi tədbirin baş tutması, özü də yüksək təşkilatçılıq məharətilə, uğurla başa çatması elə özü bir qələbə idi!
Bu böyük tarixi qələbə ilə dövlətimizin qüdrəti, xalqımızın böyüklüyü dünyada nümayiş edildi, haqqımızda mənfi ictimai rəy yaratmaq istəyən qara qüvvələr, erməni diasporunun möhtəkirləri olan üzdəniraq siyasətçilər ifşa olundular!
Cənab Prezident İlham Əliyev və Onun xanımı sözün əsl mənasında dünya xalqlarına insanlıqdan, mədəniyyətdən, sivilizasiyadan, ən çətin vəziyyətlərdə dözümlülükdən dərs keçdilər!
Xüsusilə qeyd etmək istəyirəm ki, Azərbaycan Respublikasının birinci xanımı, Heydər Əliyev Fondunun prezidenti Mehriban Əliyeva həm də birinci Avropa Oyunları Təşkilat Komitəsinin sədri kimi böyük təşkilatçılıq bacarığı və icra nizam-intizamı ilə dövlət tapşırığının necə yerinə yetirilməsində məmurlara da gözəl bir nümunə oldu! Yeri gəlmişkən, fürsətdən istifadə edib çox hörmətli Mehriban xanım Əliyevanı layiq olduğu ən ali dövlət mükafatı - Heydər Əliyev ordeni ilə təltif olunması münasibəti ilə təbrik edirəm.
Yaşasın Heydər Əliyev ideyaları! Yaşasın Azərbaycan!

Paylaş:

Baxılıb: 764 dəfə