Heydər Əliyev
yeni azerbaycan logo

Ana səhifə / Siyasət / Azərbaycan ilə Qətər arasında əlaqələr uğurla inkişaf edir

Azərbaycan ilə Qətər arasında əlaqələr uğurla inkişaf edir

10.03.2016 [10:01]

Martın 8-də Azərbaycan Respublikasının Baş naziri Artur Rasizadə ölkəmizdə rəsmi səfərdə olan Qətər Dövlətinin Əmiri Şeyx Təmim bin Həməd Al Tani ilə görüşüb.
AZƏRTAC xəbər verir ki, görüşdə Azərbaycan ilə Qətər arasında mövcud olan dostluq münasibətlərinin uğurla inkişaf etdiyi vurğulanıb, siyasi, iqtisadi, mədəni sahələrdə tərəfdaşlığın səmərəli nəticələr verdiyi məmnunluqla qeyd olunub.
Bu səfərin və keçirilmiş görüşlərin ölkələrimiz arasında əlaqələrin inkişafına töhfə verəcəyinə əminliyini söyləyən Baş nazir Artur Rasizadə siyasi əlaqələrin yüksək səviyyədə olduğunu, iqtisadi imkanlardan səmərəli istifadə etməyin zəruriliyini bildirib.
Ermənistan-Azərbaycan, Dağlıq Qarabağ münaqişəsinə toxunan Baş nazir Artur Rasizadə problemin beynəlxalq hüquq normaları çərçivəsində, Azərbaycanın ərazi bütövlüyü və sərhədlərinin toxunulmazlığı prinsipləri əsasında həllinin vacibliyini diqqətə çatdırıb.
Qətər Dövlətinin Əmiri Şeyx Təmim bin Həməd Al Tani ölkələrimiz arasında əlaqələrin, xüsusilə də iqtisadi sahədə əməkdaşlığın genişlənəcəyinə ümidvar olduğunu bildirib.
Görüşdə qarşılıqlı maraq doğuran məsələlər ətrafında fikir mübadiləsi aparılıb.

Paylaş:
Baxılıb: 647 dəfə

Xəbər lenti

Hamısına bax

Siyasət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31