Azərbaycan Prezidenti İlham Əliyev Ermənistana növbəti dəfə sarsıdıcı siyasi zərbə vurdu

Bakı:

26 °C

52 %

9 m/s

Əlaqə

AZ RU EN

Ana səhifə / Siyasət / Azərbaycan Prezidenti İlham Əliyev Ermənistana növbəti dəfə sarsıdıcı siyasi zərbə vurdu

Azərbaycan Prezidenti İlham Əliyev Ermənistana növbəti dəfə sarsıdıcı siyasi zərbə vurdu

22.06.2020 [23:36]

"Valday", Aşqabad, Türk Şurası və Qoşulmama Hərəkatının Bakı sammitlərindən sonra işğalçı Ermənistan, onun bədnam baş naziri Nikol Paşinyan növbəti sarsıdıcı zərbə aldı. Şərq Tərəfdaşlığı ölkələrinin videokonfrans formatında Sammitində Azərbaycan Prezidenti İlham Əliyev tərəfindən Ermənistana və Paşinyana növbəti dəfə öldürücü və sarsıdıcı siyasi-diplomatik zərbə vuruldu.

Bu fikirləri Milli Məclisin deputatı Jalə Əliyeva AZƏRTAC-a açıqlamasında deyib.

Deputat bildirib ki, Ermənistan baş nazirinin növbəti yersiz replikası və təxribatı onun və Ermənistanın bir daha fiaskosu oldu. Prezident İlham Əliyev Paşinyanı dərhal yerində oturtdu, ona layiq olduğu yerini göstərdi. Azərbaycan Prezidenti “... bu, hər kəsə bəlli olan bir faktdır ki, Ermənistan Azərbaycanın ərazisini işğal edib. İkincisi isə Ermənistanın baş nazirinə irqçilik haqqında danışmağı məsləhət görməzdim, çünki erməni terrorçuları dünyaca məşhurdurlar. Parisin Orli hava limanında terror hadisəsi törədən Karapetyan soyadlı şəxs sonradan Ermənistana ekstradisiya edilib və Ermənistan prezidenti tərəfindən əfv olunub. Məhz buna görə belə məsələlər ətrafında müzakirə gedəndə ona sakit oturmağı tövsiyə edərdim”, - deyərək həm Paşinyanın, həm də Ermənistanın təxribatçı, təcavüzkar və işğalçı mahiyyətini bir daha açıb ortaya qoydu, hər kəsə nümayiş etdirdi. Prezident İlham Əliyevin dəmir məntiqi qarşısında heç kim Ermənistana azacıq da olsa dəstək vermədi. Bu, mümkün də deyildi.

“Beləliklə, 2016-cı ilin Aprel döyüşlərində, 2018-ci ilin Cünnüt əməliyyatında Azərbaycan Ordusu tərəfindən layiqli cavab alan, ağır hərbi məğlubiyyətə uğradılan Ermənistana davamlı olaraq siyasi-diplomatik cəbhədə də ardıcıl və sarsıdıcı zərbələr vurulur. İşğalçı ölkə həm hərb meydanında, həm də diplomatik savaşda güclü və qüdrətli Azərbaycana uduzur. Bu, Ermənistan üçün artıq sonun başlanğıcıdır, bu ölkə uğursuzluğa və fiaskoya məhkumdur. Çünki əsrlərdir apardıqları bədnam, məkrli və murdar siyasət sonunda məhz bu cür də nəticələnməli idi. Nikol Paşinyanın hakimiyyətə gəlişi nəinki Ermənistanın bütün sahələrdə çöküşünün və tənəzzülünün qarşısını ala bilmədi, əksinə, bu prosesi gündən-günə sürətləndirməkdədir. Bu gedişlə onları kimsə, hətta arxalandıqları dairələr və qüvvələr də xilas edə bilməyəcək. Çünki hər kəs onlardan üz döndərməkdə, onlara arxa çevirməkdədir. Odur ki, istər hərbi savaşda, istərsə də siyasi-diplomatik mübarizədə qələbə, zəfər mütləq şəkildə bizimlədir və bizim olacaq. Azərbaycan dövləti bütün ərazilərində öz suveren hüquqlarını tezliklə bərpa edəcək. Azərbaycan Prezidentinin də bəyan etdiyi kimi, “Qarabağ Azərbaycandır və nida işarəsi”, - deyə Jalə Əliyeva xüsusi vurğulayıb.

Paylaş:

Baxılıb: 383 dəfə