Kozlariç Azərbaycanı niyə sevmir?

Bakı:

12 °C

82 %

5 m/s

Əlaqə

AZ RU EN

Ana səhifə / Siyasət / Kozlariç Azərbaycanı niyə sevmir?

Kozlariç Azərbaycanı niyə sevmir?

15.04.2022 [10:30]

5-ci kolon, pul, yoxsa dini sekta...

Taleh Ağaverdiyev

Azərbaycanın güclənməsi, uğurlu diplomatiyası erməni lobbisinin maliyyələşdirdiyi anti-Azərbaycan dairələri narahat etməyə bilməz. Ona görə də Azərbaycan haqqında xoşagəlməz fikirlər söyləmək üçün hər fürsətdən istifadə edirlər.

ABŞ Dövlət Departamenti 2021-ci il üçün Azərbaycanda insan hüquqlarının vəziyyəti ilə bağlı əvvəldən axıra kimi saxta ittihamlardan ibarət, tamamilə qərəzli və həqiqətə uyğun olmayan hesabat dərc edib. ABŞ-ın Azərbaycandakı keçmiş səfiri Riçard Kozlariç də, təbii ki, bu xəbərə biganə qala bilməzdi. Çünki o, Azərbaycanı sevmədiyini bundan əvvəl dəfələrlə açıq-aşkar ifadə edib.

Kozlariç “eks” prefiksi özünə yaraşan xadimlər sırasına aiddir. Son 30 ilə yaxın bir müddətdə belə bir təəssürat yaranıb ki, Riçard Kozlariç dünyaya ancaq həyatını Azərbaycana qarşı qərəzli fəaliyyətə həsr etmək üçün gəlib. O, respublikamızda işləyərkən də, müxtəlif intriqalarda iştirakına görə səfirlik müddətini tam icra etmədən geri çağırılandan sonra da Bakıya qarşı işləyib və indi də işləyir.

Bu şəxs üç il (1994-1997) ABŞ-ın Azərbaycandakı səfirliyinə rəhbərlik edib. Bütün bu müddət ərzində o, ABŞ-Azərbaycan münasibətlərinin inkişafına töhfə verməkdən başqa hər şeyi edirdi. Daha çox spirtli içkilərə aludəçiliyi ilə yadda qalıb, buna görə də dəfələrlə hər cür qalmaqallarda adı çəkilib. Vaxt var idi ki, bədəni qanındakı spirt miqdarına tab gətirə bilməyən Kozlariç ayaqüstə durmaqda çətinlik çəkərək qəbulları və furşetləri yalnız işçilərinin köməyi ilə tərk edirdi...

O, eyni zamanda, bir çox Qərb ölkələrində qeyri-qanuni cərəyan kimi tanınan dini təriqətlərin fəaliyyətini fəal şəkildə təbliğ edib. Görünür, Kozlariç bir tərəfdən Azərbaycanda itaətkar “beşinci kolon” yaratmağa, digər tərəfdən də pul qazanmağa çalışıb. Bu da məlumdur ki, eks-səfir müəyyən tapşırıqları yerinə yetirərək təxribatçılıqla da məşğul olub.

Amma o illərdə Kozlariç vəzifəsinə görə açıq hərəkət edə bilmirdisə və maska taxmağa məcbur olurdusa, bu gün onun qarşısını kəsəcək diplomatik missiyası yoxdur. Vəzifələrini və nüfuzunu itirəndən sonra o, erməni müştərilərinə vaxtaşırı özünü xatırladaraq ayaqda qalmağa çalışır. Bu gün eks-səfir Azərbaycan əleyhinə şouların daimi iştirakçısıdır, KİV-lərdə müvafiq yazıların müəllifidir. O, dəfələrlə Azərbaycan əleyhinə bəyanatlar verib, ölkəmizə qarşı sanksiyaların tətbiqinə çağırıb, açıq şəkildə ermənipərəst mövqedən çıxış edib.

Bu vəziyyətdə səssiz qalmaq və ömrünü Azərbaycana qarşı qarayaxma kampaniyasına həsr edən birisini ifşa etməmək sadəcə mümkün deyil.

Paylaş:

Baxılıb: 1241 dəfə