Heydər Əliyev
yeni azerbaycan logo

Ana səhifə / Sosial / “Azərenerji”də Ümummilli liderin anım mərasimi keçirilib

“Azərenerji”də Ümummilli liderin anım mərasimi keçirilib

13.12.2014 [11:47]

Dünən “Azərenerji” ASC-də Ümummilli lider Heydər Əliyevin vəfatının 11-ci ildönümü ilə əlaqədar anım tədbiri keçirilib. Tədbir iştirakçıları Ulu öndər Heydər Əliyevin “Azərenerji” ASC-nin binasındakı büstü önünə əklil və gül dəstələri qoyub, Onun əziz xatirəsini ehtiramla yad ediblər.
Sonra tədbir qurumun akt zalında davam etdirilib. Çıxış edənlər bütün həyatı boyu Öz xalqına sədaqətlə xidmət etmiş Heydər Əliyevin respublikaya rəhbərlik etdiyi bütün dövrlərdə siyasi, iqtisadi, sosial və mədəni sahələrin hər birində görülən işlər, əldə edilən nailiyyətlər barədə ətraflı danışıblar. O da qeyd olunub ki, sənaye və kənd təsərrüfatının inkişafında, xalqın rifahının yüksəldilməsində, sosial problemlərin həllində elektrik enerjisi sisteminin həlledici rolunu nəzərə alan Ulu öndər respublikaya rəhbərliyi dövründə bu sahənin inkişafını daim diqqətdə saxlayıb, yeni generasiya güclərinin yaradılmasına xüsusi əhəmiyyət verib. Onun təşəbbüsü və bilavasitə iştirakı ilə Azərbaycanda çoxsaylı energetika obyektləri inşa edilərək istismara verilib.
Ümummilli liderimiz müstəqil Azərbaycan dövlətinə rəhbərlik etdiyi dövrdə də respublika iqtisadiyyatının, o cümlədən, enerji sisteminin böhrandan çıxarılması, maddi-texniki bazasının yeniləşdirilməsi və möhkəmləndirilməsi üçün məqsədyönlü tədbirlər həyata keçirilib. Qeyd olunub ki, ümumiyyətlə Ulu öndər Heydər Əliyev respublika iqtisadiyyatının, o cümlədən, enerji sisteminin yenidən qurulmasının təkcə nəzəri banisi deyil, həm də onun işgüzar təşkilatçısı olub. Ümummilli liderin xarici ölkələrə rəsmi və işgüzar səfərlər zamanı apardığı bütün danışıqlarda enerji problemləri, o cümlədən, energetika təsərrüfatının yenidən qurulması ən vacib məsələlər sırasında olub. Danışıqlar zamanı ümumi problemlərin həlli yollarının axtarılması ilə bərabər, konkret energetika obyektlərinin inşası və yenidən qurulması məsələləri də həll edilib. Bütün bunlar isə Azərbaycanda bütün həyat əhəmiyyətli sahələrin dinamik inkişafını təmin edib. Bildirilib ki, hər bir vətəndaşın mənafeyinə cavab verən, təminatlı gələcəyə zəmin yaradan təkmil siyasi kursun davam etdirilməsi bugünkü uğurlarımızı şərtləndirir.
Tədbirin sonunda Ulu öndərin fəaliyyətinə həsr olunmuş film nümayiş etdirilib.
Səlim LOĞMANOĞLU

Paylaş:
Baxılıb: 774 dəfə

Xəbər lenti

Hamısına bax

YAP xəbərləri

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30