Heydər Əliyev
yeni azerbaycan logo

Ana səhifə / Sosial / BANM-da “Təhsil və media” dialoqu mövzusunda konfrans keçirilib

BANM-da “Təhsil və media” dialoqu mövzusunda konfrans keçirilib

23.12.2014 [09:54]

Azərbaycan Təhsil Nazirliyinin təşkilatçılığı ilə keçirilən “Təhsil və media dialoqu” mövzusunda praktik konfransın ikinci paneli öz işini Bakı Ali Neft Məktəbində (BANM) davam etdirib. “Report” xəbər verir ki, tədbirdə ilk olaraq çıxış edən BANM-in rektoru Elmar Qasımov media nümayəndələrinin, tanınmış KİV rəhbərlərinin bu ali məktəbdə toplanmasının əlamətdar hadisə olduğunu diqqətə çatdırıb.
Məktəbin yaranma tarixi haqqında iştirakçılara məlumat verən E.Qasımov deyib ki, məqsəd Azərbaycanda yüksək ixtisaslı, müasir biliklərə yiyələnmiş və dünya səviyyəli yerli mütəxəssislərin hazırlanmasıdır. Bu məqsədlə ali məktəbdə tədris və təlim-tərbiyə məsələlərinə böyük əhəmiyyət verilir. BANM-in KİV ilə əməkdaşlığa da xüsusi önəm verdiyini xatırladan rektor bu sahədə bütün mətbu qurumlarla əlaqələrin genişləndirildiyini bildirib.
Sonra BANM haqqında videoçarx nümayiş olunub.
Təhsil Nazirliyinin İnformasiya şöbəsinin QHT və KİV-lə iş sektorunun mütəxəssisi Samir Paşayevin moderatorluğu ilə “Sosial mediada necə təqdim olunmalı?” mövzusu ətrafında müzakirələr aparılıb. Bakı Dövlət Universitetinin Jurnalistika fakültəsinin kafedra müdiri Aynur Kərimova və “APA Holdinq”in prezidenti Vüsalə Mahirqızı çıxış ediblər.
Tədbirdə Təhsil Nazirliyinin informasiya şöbəsinin QHT və KİV-lə iş sektorunun müdiri Cəsarət Valehov professor Şirməmməd Hüseynovu Azərbaycan Prezidenti İlham Əliyevin Sərəncamı ilə “Şərəf” ordeni alması münasibətilə təbrik edib və ona Təhsil Nazirliyi adından mükafat təqdim edib.
BANM-in rektoru Elmar Qasımov isə Şirməmməd Hüseynova BANM-in “Fəxri qonaq” diplomunu təqdim edib.

Paylaş:
Baxılıb: 790 dəfə

Xəbər lenti

Hamısına bax

YAP xəbərləri

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30