Heydər Əliyev
yeni azerbaycan logo

Ana səhifə / Sosial / Bilik Fondunda 20 Yanvar faciəsi ilə bağlı xarici tələbələrlə görüş keçirilib

Bilik Fondunda 20 Yanvar faciəsi ilə bağlı xarici tələbələrlə görüş keçirilib

20.01.2015 [09:50]

Azərbaycan Respublikasının Prezidenti yanında Bilik Fondunda 20 Yanvar faciəsinin 25-ci ildönümünə həsr olunan tədbir keçirilib. Tədbirdə 20 Yanvar Cəmiyyətinin sədri Soltan Əzimzadə, Milli Qəhrəmanları Tanıtma İctimai Birliyinin sədr müavini Rüzgar Əliyev, Şəhid Ailələri və Milli Qəhrəmanlar İctimai Birliyinin sədri Əlirza Mehdiyev, şəhid Cəbrayıl Xanməmmədovun həyat yoldaşı Şövkət Xanməmmədova, 20 Yanvar hadisələrində əlil olmuş Mustafa Əliyev, Cavid Abdullayev və Azərbaycanda təhsil alan xarici tələbələr, Bilik Fondunun könüllüləri iştirak ediblər.
20 Yanvar şəhidlərinin xatirəsi bir dəqiqəlik sükutla yad ediləndən sonra Bilik Fondunun icraçı direktoru Oktay Səmədov 25 il öncə Bakıda dinc insanlara qarşı törədilən qətliamdan danışıb. İcraçı direktor bildirib ki, dövlətinin azadlığı uğrunda Sovet qoşunlarına qarşı əliyalın mübarizəyə qalxan insanlar Vətən yolunda tərəddüd etmədən canlarından keçiblər.
O.Səmədov xüsusən xarici tələbələrin diqqətinə çatdırıb ki, 1990-cı ilin ağır günlərində Ümummilli lider Heydər Əliyev Moskvada Azərbaycan nümayəndəliyinə gələrək xalqımızın yaşadığı fəlakəti bütün dünayaya bəyan edib.
Tədbirdə 20 Yanvar dəhşətlərini göstərən film nümayiş olunub. Xarici tələbələr öz ölkələrinin müstəqillik tarixindən danışaraq, qeyd ediblər ki, azad dövlətdə yaşamaq istəyən xalqlar arzularına qurbanlar bahasına çatıblar.
Tədbirdə Bilik Fondunun könüllüsü, faciənin yaşıdı, eşitmə qüsurlu Behbud Cəfərquliyevin 20 Yanvar hadisələrinə həsr etdiyi rəsmlər nümayiş olunub.
Pərviz SADAYOĞLU

Paylaş:
Baxılıb: 738 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Analitik

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30