Heydər Əliyev
yeni azerbaycan logo

Ana səhifə / Sosial / CASCFEN İdarə Heyəti ilin ilk toplantısını keçirib

CASCFEN İdarə Heyəti ilin ilk toplantısını keçirib

10.02.2015 [09:43]

Orta Asiya və Güney Qafqaz Söz Azadlığı Şəbəkəsinin (CASCFEN) İdarə Heyəti 2015-ci ildə özünün ilk toplantısını keçirib. Toplantı CASCFEN sədrinin müavini, “Qazilər” qəzetinin baş redaktoru Rey Kərimoğlunun dəvətilə sonuncunun redaksiyasında baş tutub. CASCFEN təmsilçiləri qəzetin internet versiyasının fəaliyyətə başlaması münasibətilə Rey Kərimoğlunu və kollektivini təbrik edib.
İdarə Heyəti öz toplantısında CASCFEN-in ötən ilin 2-ci yarısında gördüyü işlərlə bağlı məlumatı dinləyib. Təşkilatın sədri Azər Həsrət ötən ilin may ayında keçirilmiş qurultaydan sonra CASCFEN-in özəlliklə beynəlxalq müstəvidə fəaliyyəti haqda geniş bilgi verib. Qurum sədri, eyni zamanda, CASCFEN-in onlayn etika mövzusunda seminarlarının 2015-ci ildə də davam edəcəyini deyib.
Daha sonra çıxış edən CASCFEN sədrinin müavinləri Nadir Azəri və Rey Kərimoğlu, həmçinin, İdarə Heyətinin üzvləri Dr. Nüşabə Hüseynli, Lalə Musaqızı və Qalib İbrahimoğlu da ötən ilin fəaliyyətinə qiymət verib, 2015-ci ildə görüləcək işlər haqqında danışıblar.
Qurum üzvləri 2015-ci ilin parlament seçkiləri ili olduğunu nəzərə alaraq bu yöndə jurnalistlərin fəaliyyətinə diqqət ayırmağa qərar veriblər. Nəzərdə tutulan işlər arasında bölgələrdə seminarların təşkili, həmçinin, Novruz bayramı və Milli Mətbuat Günü öncəsi CASCFEN üzvlərinin iştirakilə tədbirlərin keçirilməsi qərara alınıb.
İdarə Heyətinin toplantısında CASCFEN Nəzarət-Təftiş Komissiyasının sədri Sevda Əsgər və üzvü Ramilə Qardaşxanqızı da iştirak edib.

Paylaş:
Baxılıb: 760 dəfə

Xəbər lenti

Hamısına bax

İqtisadiyyat

YAP xəbərləri

Gündəm

Analitik

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30