Heydər Əliyev
yeni azerbaycan logo

Ana səhifə / Sosial / ADA Universitetində 40 ölkədən tələbələr təhsil alacaq

ADA Universitetində 40 ölkədən tələbələr təhsil alacaq

28.08.2015 [10:04]

Yeni tədris ilində ADA Universitetində bakalavr və magistr pillələrində 40 ölkədən 103 tələbə təhsil alacaq. Onlardan 52-si Azərbaycan Respublikası Xarici İşlər Nazirliyi tərəfindən maliyyələşən “Əlimərdan bəy Topçubaşov” təqaüdünü qazanıb. Səkkiz nəfər isə ADA Universitetinin beynəlxalq tərəfdaşları olan ali təhsil müəssisələri, o cümlədən, Fransanın İESEG menecment məktəbi, Böyük Britaniyanın Qlazqo, Koreya Respublikasının Hankuk, ABŞ-ın Miçiqan və Türkiyənin Giresun universitetləri ilə mübadilə proqramları çərçivəsində gələn tələbələrdir.
Universitetdən AZƏRTAC-a bildiriblər ki, “Qlobal liderlik” fəlsəfə sütunlarından biri olan ADA Universitetində tədris prosesinin beynəlmiləl olmasına böyük əhəmiyyət verilir. Belə ki, bu ali təhsil müəssisəsinin təkcə tələbələri deyil, professor-müəllim heyətinin də bir qismi xarici mütəxəssislərdən ibarətdir.
Universitetin hökumət, beynəlxalq münasibətlər və tələbə məsələləri üzrə prorektoru Fariz İsmayılzadənin sözlərinə görə, məqsəd innovativ təhsil verməklə yanaşı, təkcə bölgədə deyil, bütün dünyada müsbət dəyişikliklərin aparıcı qüvvəsinə çevriləcək məzunlar hazırlamaqdır: “ADA Universitetinin beynəlxalq tələbələrinin coğrafiyası bu il bir qədər də genişlənərək Əlcəzair, Kolumbiya, Misir, İtaliya, Hindistan, İraq, Almaniya kimi ölkələri əhatə edib. Bu da ADA Universitetinin və Azərbaycanda verilən təhsilin təkcə bölgədə deyil, bütün dünyada tanınmağa başladığından xəbər verir”.

Paylaş:
Baxılıb: 651 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30